I Samuẹl 22:5 - Edo Bible (E Baibol Ẹdo) Version 1996

⁵ E Gad ne akhasẹ keghi bu e Devid gha dee, ọ tama rẹn wẹẹ, “Ghẹ ghi di emwa ya, gha rrie otọ e Juda ọwarọkpa.” Ẹre Devid na kpao, ọ na gha rrie ẹgbo Hẹrẹt.

I Samuẹl 22:5 ပူးပေါင်းရင်းမြစ်များ

II Samuẹl 23:14

Vbe ẹghẹ ne a kha na, e Devid keghi rre uwu ako ikhẹgbe, ivbi e Filistin eso kegha rre Bẹtlẹhẹm.

II Samuẹl 24:11

Ẹre Nọyaẹnmwa na tama akhasẹ ighẹ Gad ne ọbiro e Devid wẹẹ, “Ya tama e Devid wẹ emwi eha ọre I ra viọ ne ẹẹn ne ọ zẹ vbọ, ne ọ ghi zẹ vbọ ọ re I khian ru.” E Devid ghi rhiọrre vbe owiẹ ne ọ lele ẹe,

I Krọnikol 11:16

Vbe ẹghẹ ne a kha na, e Devid kegha rre uhunmwu oke ne a gbe odin gaa. Ivbi e Filistin eso keghi mu e Bẹtlẹhẹm.

I Krọnikol 21:9

Ẹre Nọyaẹnmwa na khama e Gad ne akhasẹ e Devid wẹẹ,

I Krọnikol 29:29

A gbẹn okha arriọba e Devid, ke omuhẹn ya sẹ ufomwẹ ọnrẹn ye avbe ebe eha, e Samuẹl, e Natan kevbe Gad.

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

I Samuẹl 22:4

Ẹre Devid na sẹ evbibiọ ọe rae ye owa ọba Moab, iran kegha rre evba vbe ẹghẹ ne Devid ya lẹre ye uvun okuta hia.