I Samuẹl 22:4 - Edo Bible (E Baibol Ẹdo) Version 1996

⁴ Ẹre Devid na sẹ evbibiọ ọe rae ye owa ọba Moab, iran kegha rre evba vbe ẹghẹ ne Devid ya lẹre ye uvun okuta hia.

I Samuẹl 22:4 ပူးပေါင်းရင်းမြစ်များ

II Samuẹl 24:11

Ẹre Nọyaẹnmwa na tama akhasẹ ighẹ Gad ne ọbiro e Devid wẹẹ, “Ya tama e Devid wẹ emwi eha ọre I ra viọ ne ẹẹn ne ọ zẹ vbọ, ne ọ ghi zẹ vbọ ọ re I khian ru.” E Devid ghi rhiọrre vbe owiẹ ne ọ lele ẹe,

II Samuẹl 8:2

Iyeke ọnii, obọ ẹre keghi vbe gba ivbi e Moab, ọ na wẹ ne iran ne obọ vbare vbọ lovbiẹ lele otọ, a na gbele eva sẹ ọkpa rae vbe arhin eha. Ẹre emwa e Moab na do gha rre ototọ ẹre iran na gha ga gie ẹe.

I Krọnikol 11:16

Vbe ẹghẹ ne a kha na, e Devid kegha rre uhunmwu oke ne a gbe odin gaa. Ivbi e Filistin eso keghi mu e Bẹtlẹhẹm.

I Krọnikol 12:16

Ẹghẹ ọkpa, ikpia eso keghi si egbe koko vbe Bẹnjamin kevbe Juda, iran na bu e Devid vbe ehe ne ọ ye ne a gbe odin ga vbe ato.

I Krọnikol 21:9

Ẹre Nọyaẹnmwa na khama e Gad ne akhasẹ e Devid wẹẹ,

I Krọnikol 29:29

A gbẹn okha arriọba e Devid, ke omuhẹn ya sẹ ufomwẹ ọnrẹn ye avbe ebe eha, e Samuẹl, e Natan kevbe Gad.

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

Nehimaia 6:11

Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Matiu 10:23

Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

I Samuẹl 22:3

E Devid keghi ke evba kpao gha rrie Mizpa ne Moab, ọ keghi tama ọba e Moab wẹẹ, “Lahọ gie erha mwẹ kevbe iye mwẹ do tota ke uẹ I te do rẹn emwi ne Osanobua khian ru mẹ.”

I Samuẹl 22:5

E Gad ne akhasẹ keghi bu e Devid gha dee, ọ tama rẹn wẹẹ, “Ghẹ ghi di emwa ya, gha rrie otọ e Juda ọwarọkpa.” Ẹre Devid na kpao, ọ na gha rrie ẹgbo Hẹrẹt.