I Samuẹl 22:2 - Edo Bible (E Baibol Ẹdo) Version 1996

² Emwa hia fẹẹrẹ ne a ghi zẹ ọre owẹ ra ne ọ defi osa ra ne ẹkun agbọn ma sẹ ọre otọ, keghi bu ẹre gha khian, rẹn kegha re ọkaolotu iran. Iran keghi re omwa ikpia uri eva (400).

I Samuẹl 22:2 ပူးပေါင်းရင်းမြစ်များ

II Samuẹl 17:8

wẹ rẹnrẹn wẹ erhaa kevbe emwa rẹn, ekpakpasusu iran khin vbe igbinna kevbe wẹ iran khọ sẹ akpakomiza ne a munọ ẹre emọ vbe uwu oha. Erhaa, ovbiyokuo ne ọ kpe agbọn nọ, ẹ i vbe di ehe ne emwa rẹn ye ya vbe asọn.

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

II Ọba 4:1

Okhuo ne ọ dẹgbẹ ne ọ te re amwẹ ọkpa vbe uwu avbe otu ivbi akhasẹ keghi bu Elaisia gha khian, ọ wẹẹ, “Enọwanrẹn, ọdafẹn mwẹ wu nẹ! Wẹ rẹnrẹn wẹ ọmwa ne ọ mu ohan Osanobua rẹn gha hin, sokpan, banbanna nian, ọmwa ne irẹn rri ọre osa do viọ ivbi mwẹ ne ikpia eva ya ru ọviẹn ne ọ ya ha osa ne ọdafẹn mwẹ rri ọre re.”

Itan 31:6

Ayọn ne ọ fian, avbe emwa ni ra ghi wu ọ re ọ ke na, iran ni rre uwu agbọn ọrhiae.

Matiu 11:12

Ke ẹghẹ ne jọn ya suẹn gha kporhu do sẹ banbanna, Arriọba ẹrinmwi ke khian ne a ya ẹkiudu dekun, emwa ni wegbe vbe hia ne iran ya ẹtin yae khian ọghe iran.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

Giọgis 11:3

E Jẹfta keghi lẹ hin ehe ne avbe etiọnrẹn ye rre, ọ na ya gha rre ẹvbo ne a tie ẹre Tob. Ọ keghi silo avbe irhia yevbe eso ba egbe, iran keghi gba gha hẹ yo hẹ rre.

Giọgis 18:25

Emwa e Dan nii keghi tama rẹn wẹẹ, “Ghẹ ghi guan gberra evba ne a ghẹ miẹn wẹ ohu mu emwa na, iran ghi do guẹ gbinna. Wẹ kevbe ẹgbẹe ruẹ hia ghi wulo.”

I Samuẹl 22:3

E Devid keghi ke evba kpao gha rrie Mizpa ne Moab, ọ keghi tama ọba e Moab wẹẹ, “Lahọ gie erha mwẹ kevbe iye mwẹ do tota ke uẹ I te do rẹn emwi ne Osanobua khian ru mẹ.”

I Samuẹl 23:13

Rhunmwuda ọnii, e Devid kevbe emwa rẹn ni sẹ ọmwa arhin uri eha (600) keghi kpao vbe Keila rre, iran na deyan okhian. E Sọl ghi họn wẹ Devid kpao vbe Keila rre nẹ, ọ ma ghi yo.

I Samuẹl 25:13

Ọ keghi tama iran hia wẹẹ, “Wa gbalọ agbada, uwa.” Iran keghi gele ru vberriọ, e Devid keghi vbe mu ọghọe gba, ọ na viọ omwa uri eva vbe emwa rẹn mwẹ, vbene uri ọkpa na tota ke emwi vbe owa, vbe ehe ne evbare ye.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”