I Samuẹl 22:16 - Edo Bible (E Baibol Ẹdo) Version 1996

¹⁶ Ọba keghi kha wẹẹ, “Ahimẹlẹk, uhunmwu wẹ vbe ẹgbẹe ruẹ hia ra ya khiẹ ọre.”

I Samuẹl 22:16 ပူးပေါင်းရင်းမြစ်များ

I Ọba 18:4

ẹghẹ ne Jezibẹl na gha gbele avbe akhasẹ e Nọyaẹnmwa, Obedaia keghi viọ iyisẹn vbe uwu iran, ọ na viọ iran lẹre, ekigbesiyeha vbe uvun ọkpọkpa, ọ na gha ye amẹ vbe evbare koko iran.

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

Ẹsta 3:6

Ọ ghi họn wẹ e Ju nọ, ọ na kha wẹ ẹ i re Modekai ọkpa rẹn gha rri ọre oya, ọ na ya mwamwa ẹn wẹ ne irẹn gbele ivbi e Ju hia ni rre otọe Arriọba e Pẹsia.

Itan 28:15

Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

Daniẹl 2:12

Rhunmwuda emwi na, ohu nọkhua keghi mu ọba, ọ na wẹ ne a giagia iran hia ni gu ẹe zẹ iro uhunmwu kua vbe Babilọn.

Daniẹl 2:5

Ọba keghi wanniẹn tama iran wẹẹ, “Vbene I tae ọrọre wẹ ne uwa tama mwẹ imina ne I minaẹn kevbe ne uwa rhan otọe ẹre ma mwẹ. Adeghẹ wa ma sẹtin, te I ra yannọ uwa obọ vbe owẹ hẹ kua, I ghi ya owa uwa hia khian itowa.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Iwinna 12:19

Hẹrọd keghi yi iyi wẹ ne a gualọe, sokpan iran ma miẹn ọẹn, ọ ghi nọ iran ni khẹ odẹ ọta nẹ, ọ na wẹ ne a gbele iran uan. Vbe iyeke ọna Hẹrọd keghi kpao vbe Judia rre ọ na vbe ya gbe ẹghẹ eso vbe Sisaria.

Diuteronomi 24:16

“A ghẹ gbe evbibiẹ emọ ye orukhọ ne ivbi iran ru, erriọ, a ghẹ vbe gbele emọ ye orukhọ ne evbibiẹ iran ru, orukhọ ne ọmwa ru ọkpa ọre a gha gbe ẹe yi.

I Samuẹl 14:44

E Sọl keghi tama rẹn wẹẹ, “Te Osanobua gha kinmwi mwẹ gbe ua ẹrẹna, a deghẹ a ma gbe ua.”

I Samuẹl 20:31

Wẹ ma rẹn wẹ e Devid gha rre agbọn, u i ra rriọba vbe ẹvbo na. Banbanna nian, ya rhie ẹre rre, te ọ gha wu.”

I Samuẹl 22:15

Ọ na i ya suẹn gha gu Osanobua guan ne ẹẹn ra? Hiehiere! Umogun, ghẹ kha vberriọ wẹ mẹ ra ọmwaikọmwa vbe uwu ẹgbẹe mwẹ gualọ odẹ ne a gha la a re. I ma rẹn ọkpa I ma rẹn eva vbe ẹmwẹ na.”

I Samuẹl 22:17

Ọ keghi tama emwa ne ọ ya khẹ egbe ni mudia ke ẹe wẹẹ, “Wa gbele avbe ohẹn e Nọyaẹnmwa na, rhunmwuda iran gu e Devid si uma, iran ma vbe tama mwẹ wẹ ọ lẹ fua nẹ, vberriọ iran rẹn vbekpa ẹre ẹsẹse ke ẹghẹ nii gha dee.” Sokpan iran nii keghi he ne iran kpa obọ ya gbele avbe ohẹn e Nọyaẹnmwa.