I Samuẹl 22:14 - Edo Bible (E Baibol Ẹdo) Version 1996

¹⁴ Ahimẹlẹk keghi wanniẹn wẹẹ, “E Devid ọ re ne ọ guobọ ruẹ sẹ vbe avbe emwa ruẹn hia! Orruan an nọ, rẹn ọ vbe re ọkaolotu emwa ne u ya khẹ egbe, emwa ni rre ẹguae ruẹ hia wa vbe ya ọghọ ne ẹẹn ẹsẹse.

I Samuẹl 22:14 ပူးပေါင်းရင်းမြစ်များ

I Samuẹl 17:25

Iran keghi tama egbe wẹẹ, “Wa ya ghe ẹre, wa ghe vbene ọ si ọmwa evẹn hẹ! Ọmwaikọmwa ne ọ sẹtin gbe ẹe, ọba gha fe ẹre, ọ ghi rhie ovbi ẹre ne okhuo ne ẹẹn rhie rọnmwẹ, ọ ghi vbe we ne ẹgbẹe erhae ghẹ ghi zẹ igho uhunmwu.”

I Samuẹl 18:13

Rhunmwuda ọnii, e Sọl keghi rhie ẹre ladian vbe evba, ọ keghi ya ẹe ru ọkaokuo arhin arriaisẹn. E Devid kegha viọ emwa rẹn yo okuo,

I Samuẹl 18:27

E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.

I Samuẹl 20:32

E Jonatan keghi wanniẹn wẹẹ, “Vbọzẹ ne ọ gha na wu yi? De emwi ne ọ ru?”

I Samuẹl 21:2

E Devid keghi wanniẹn wẹẹ, “Ọba ọ re ọ gie mwẹ uhunmwu. Ọ wẹ ne I ghẹ tama ọmwa rhọkpa uhunmwu ne irẹn gie mwẹ re. Zẹ vbe ọ ghe emwa ne I hẹ khian, I tama iran nẹ ehe ne iran gha na do vba mwẹ.

I Samuẹl 22:13

E Sọl keghi nọ rẹn wẹẹ, “Vbọzẹ ne uwẹ vbe Devid na si uma odẹ ne uwa gha la mwẹ re yi? Vbọzẹ ne u na viọ evbare kevbe umozo ne ẹẹn, u na vbe gu Osanobua guan ne ẹẹn? Banbanna nian, ọ mu aro igbinna da mwẹ nẹ, ehe ne obọ ẹre gha na ke ẹe sẹẹ ọre ọ ghi gualọ.”

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 26:23

E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.