I Samuẹl 22:12 - Edo Bible (E Baibol Ẹdo) Version 1996

¹² E Sọl keghi tama Ahimẹlẹk wẹẹ, “Danmwehọ mwẹ Ahimẹlẹk!” Rẹn keghi wanniẹn wẹẹ, “Ghe mwẹ enaẹmwẹ.”

I Samuẹl 22:12 ပူးပေါင်းရင်းမြစ်များ

II Samuẹl 1:7

Ọ ghi gbe aro ghe iyeke, ọ keghi bẹghe mwẹ, ọ na da tie mwẹ. Mẹ kevbe wanniẹn wẹẹ, ‘Dọmọ ọ.’

II Samuẹl 9:6

E Mẹfibosiẹt ne ovbi e Jonatan kevbe eyẹ e Sọl ghi rre, ọ keghi ya ọghọ ghughẹ rre vbe odaro e Devid. E Devid keghi kha wẹẹ, “Mẹfibosiẹt!” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

Aizaia 65:1

E Nọyaẹnmwa khare wẹẹ, “Mẹ te mu egbe ne I ya họn erhunmwu avbe emwa mwẹ, sokpan, iran ma na erhunmwu. Mẹ te mu egbe ne iran gualọ mwẹ miẹn, sokpan, iran ma ziga hiehiere. Ẹvbo nii ma na erhunmwu ghe mwẹ, a gha rhe miẹn wẹ, te imẹ mu egbe ne I ya họn erhunmwu. Tama iran wẹẹ, ‘Ghe mwẹ vbe emwana, I gha ye uwa obọ.’

I Samuẹl 22:11

Ẹre Sọl ne ọba na gie ne a tie Ahimẹlẹk ne ohẹn ke ẹe kevbe emwa rẹn hia ni vbe re ohẹn vbe Nob, iran keghi bu ẹre gha dee.

I Samuẹl 22:13

E Sọl keghi nọ rẹn wẹẹ, “Vbọzẹ ne uwẹ vbe Devid na si uma odẹ ne uwa gha la mwẹ re yi? Vbọzẹ ne u na viọ evbare kevbe umozo ne ẹẹn, u na vbe gu Osanobua guan ne ẹẹn? Banbanna nian, ọ mu aro igbinna da mwẹ nẹ, ehe ne obọ ẹre gha na ke ẹe sẹẹ ọre ọ ghi gualọ.”

I Samuẹl 22:7

rẹ keghi tama emwa rẹn wẹẹ, “Wa danmwehọ, wa ne ivbi e Bẹnjamin, te uwa ro ighẹ e Devid gha mu ugbo azara ne uwa, ọ ghi vbe ma uwa ọkaokuo nekherhe kevbe nekhua vbe uwu ivbiyoko ẹre ra?