I Samuẹl 21:7 - Edo Bible (E Baibol Ẹdo) Version 1996

⁷ Ọkaolotu iran ni su ohuan e Sọl ne a tie ẹre Doeg, ne ọ ke Idọm rre keghi rre evba ẹdẹrriọ rhunmwuda ọ do mu eyan ugamwẹ eso sẹ.

I Samuẹl 21:7 ပူးပေါင်းရင်းမြစ်များ

Gẹnẹsis 26:20

Iran ni su ohuan emwa Gera keghi gu emwa ni su ohuan Aizik gha muan ẹmwẹ wẹẹ, “Ma ọre ọ yan ẹzẹ na.” Rhunmwuda ọnii, Aizik kegha tie ẹzẹ nii “Ẹzọ” rhunmwuda ne iran na gui yọ.

II Krọnikol 26:10

Ọ keghi vbe bọlọ owa ọkhẹ uhae amẹ ni bun rhunmwuda, rẹn wa mwẹ oghẹn ẹmila ni bun vbe ototọ oke kevbe ehe ne ọ rriẹe ni rre odẹ orrie. Rhunmwuda ne irẹn na wa ho ẹmwẹ ugbo ne a gbe, ọ keghi wẹ ne emwa ni bun gha mu ugbo azara vbe otọe ni rre uhunmwu oke kevbe ne iran gha ya avbe otọe ni maa emwiokọ ni rrọ gbe ugbo.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Levitikọs 22:10

“Ọmwarhọkpa ghẹ rri avbe emwi izẹ ọhẹ ni huanrẹn nii, ugbẹn vbe a miẹn wẹ ẹ i re ẹgbẹe ohẹn, ọ gha khọnrẹn ne a miẹn wẹ ohẹn ọre ọ gu dia ra te ọ rhie ẹre vbe iwinna.

Levitikọs 22:13

Sokpan, ọmọ okhuo ne ọ dẹgbẹ ra ne ọ sẹ ọdọ rae, ẹ i vbe mwẹ emọ, ọ na vbe do gha rre owa erha ẹe zẹ vbe ọmọ ne orre owa, sẹtin re vbe evbare ne ọ sẹ erha ẹe obọ zẹ vbe ohẹn. Ọmwa ne ẹ i re ovbi ẹgbẹe ohẹn, a ghẹ giẹ re vbọ.

Levitikọs 24:5

U ghi mwa irhuarhua uwan enẹ yan ugie ne u ya ru ududu ebrẹd iweva.

Levitikọs 24:8

Vbe Ẹdẹ ikẹtin hia ọre a gha ya gha rhie ebrẹd na ye odaro Nọyaẹnmwa ẹdẹdẹmwẹdẹ ne a ya gha mu eyan ọghe ivbi Izrẹl sẹ.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Matiu 15:8

“ ‘Osanobua khare wẹẹ, Ukpunu iran na ya rho mwẹ sokpan ekhọe iran khian rrei mẹ ẹsẹse.

I Samuẹl 11:5

Ẹghẹ na, e Sọl wa ke ugbo dee ke ẹe kevbe avbe ẹkhuia ẹmila ẹre, ọ keghi nọ wẹẹ, “De emwi ne ọ sunu yi? Vbọzẹ ne emwa hia na viẹ yi?” Iran keghi na iyẹn ma rẹn vbene emwa ni ke Jabẹs rre kha hẹ.

I Samuẹl 14:47

E Sọl ghi rriọba nẹ, ọ keghi khọn avbe eghian rẹn hia vbe ehehia, avbe Moab, Amọn kevbe Idọm, ọba e Zọba kevbe avbe ivbi e Filistin. Ehe ne ọ na gbinna hia, ọ kegha khọnmiotọ.

I Samuẹl 21:8

Ọre Devid na tama Ahimẹlẹk wẹẹ, “U gha miẹn asoro ra umozo mu mẹ ra? I ma mu asoro mwẹ ra emwi igbinna rhọkpa mwẹ rhunmwuda, ugbẹn vbe a miẹn wẹ ọba ọ re ọ gie mwẹ uhunmwu, okhirhikhirhi ọ re I ya kpao.”

I Samuẹl 22:10

Ahimẹlẹk keghi nọ e Nọyaẹnmwa emwi ne Devid gha ru, iyeke ọnii, ọ keghi viọ evbare ne Devid, deba umozo e Golaiat ne ovbi e Filistin.”

I Samuẹl 22:22

E Devid keghi tama rẹn wẹẹ, “Ugbẹn vbe I wa bẹghe Doeg vbe evba nii ẹdẹrriọ, I wa rẹn wẹ ẹ i mwẹ ọ ma tama e Sọl. Rhunmwuda ọnii nian, mẹ ọ si ẹe ne emwa ruẹn hia na wulo na.

I Samuẹl 22:9

E Doeg ne ovbi ẹvbo Idọm wa mudia ba emwa e Sọl vbe ẹghẹ ne a kha na, ọ keghi kha wẹẹ, “I miẹn e Devid vbe ọ la ọghe Ahimẹlẹk ne ovbi Ahitub, vbe Nob.