I Samuẹl 21:5 - Edo Bible (E Baibol Ẹdo) Version 1996

⁵ E Devid keghi wanniẹn wẹẹ, “Ẹn, Iran ma ru emwi rhọkpa, Ikhuo i rre ehe ne ima ye. Ma gha rrie okhian kẹkan, te emwa mwẹ ye miẹn wẹ awua i gu iran. Inuinu ghi nọ vbe a miẹn wẹ okhian kpataki ọ re ọna khin!”

I Samuẹl 21:5 ပူးပေါင်းရင်းမြစ်များ

Ẹksọdọs 19:14

E Mosis keghi tuorre vbe uhunmwu oke do vba emwa nii, ọ na wẹ ne iran mu egbe ugamwẹ. Iran keghi họ ukpọn iran.

Ẹksọdọs 19:15

E Mosis keghi khama iran wẹẹ, “Wa ghi mu egbe irakhuẹ. Okpia vbe okhuo ghẹ miegbe vbe uwu ẹghẹ na.”

Ẹksọdọs 25:30

A ghi mu eteburu nii, ye odaro Ẹkpẹti Ile nii, Ebrẹd iruemwi, ne a ya ru izọhẹ gunmwẹ ghi gha rre uhunmwu eteburu nii vbe ẹghẹ hia.

Levitikọs 24:9

Errọn kevbe ivbi uniẹn ọnrẹn ọre ọ yan ebrẹd nii, iran ghi vbe gha rri ọe vbe ehe ne ọ huanrẹn rhunmwuda, ehe ne ọ mobọ huan vbe evbare nii ne a ya zẹ ọhẹ gie Nọyaẹnmwa ne avbe ohẹn ọre ọna khin.

Levitikọs 8:26

ọ keghi rhie ududu ebrẹd ọkpa vbe uwu okhuae ne a viọ ebrẹd ne ọma hue ne a ya fi ohan ne Nọyaẹnmwa yi, ebrẹd ne a ya ofigbọn ru kevbe ebrẹd ne fẹrhẹfẹrhẹ ọkpa, ọ keghi viọ ẹre yan ẹvbi kevbe owẹ erha ọmwa rẹn nii.

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

I Kọrinti 7:5

Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.

I Pita 3:17

Rhunmwuda, a rri oya ba ẹmwẹ uyinmwẹ esi, a deghẹ Osanobua ho ẹre ye vberriọ, ọre ọ maa sẹ, rhunmwuda ighẹ a ru emwi dan.