I Samuẹl 21:11 - Edo Bible (E Baibol Ẹdo) Version 1996

¹¹ Ẹre emwa ọba na tama Akis wẹẹ, “Ọna i re Devid ne ọba ẹvbo ẹre ra? Ọmwa na ọ re avbe ikhuo nii ya gha so ihuan vbe iran ku wẹẹ, ‘E Sọl gbele arriaisẹn inu nọkhin, sokpan, e Devid gbele arriaisẹn igbe inu nọkhin.’ ”

I Samuẹl 21:11 ပူးပေါင်းရင်းမြစ်များ

Psalm 34:1

I gha kpọnmwẹ Nọyaẹnmwa vbe ẹghẹ hia. Mẹ i ra dobọ urhomwẹ ọnrẹn yi ẹdẹ.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 19:18

E Devid keghi lẹfua, ọ na bu e Samuẹl gha rrie Rama, ọ na ya talọ emwi hia ne Sọl ru ẹre re ma rẹn. Rẹn kevbe Samuẹl keghi gba gha rrie Naiọt, iran na ya di evba ya.

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”

I Samuẹl 27:2

Ẹre Devid ke ẹe kevbe emwa rẹn ni re arhin uri eha (600) na wa kpao gha bu Akis ne ovbi e Moak ne ọba Gat.

I Samuẹl 29:5

A rhe ta ẹe na, ẹre Devid na nọ, ne ikhuo Izrẹl ya gha so ihuan, iran na vbe gha ku kha wẹẹ, ‘E Sọl gbele inu arriaisẹn ne ọ khin, sokpan e Devid gbele inu arriaisẹn igbigbe ne ọ khin.’ ”