I Samuẹl 20:8 - Edo Bible (E Baibol Ẹdo) Version 1996

⁸ Lahọ, u ghi ru mwẹ ẹse na, ne u ye ihẹn ne ima vẹn ne egbe rre. Sokpan, a deghẹ I rri abe, tobọ gbe mwẹ uan. Vbọzẹ ne u gha na rhie mwẹ gie erha gbe ua?”

I Samuẹl 20:8 ပူးပေါင်းရင်းမြစ်များ

Gẹnẹsis 24:49

Banbanna na nian, a deghẹ te u ra ru zẹ vbene ọ khẹkuẹ ne arowa mwẹ, tama mwẹ, a deghẹ ẹ i re vberriọ vbe tama mwẹ ne I miẹn ehe na rẹn emwi ne I gha ru.”

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

II Samuẹl 14:32

Absalọm keghi wanniẹn wẹẹ, “I gie ne a tie ruẹ wẹ ne u gha de ne I giọ ne u ya tuẹ yi mwẹ vbe ọghe ọba. Vbe i a ghi kpao vbe Gẹsiọ gha die edinran baa. I ma rẹn ne I wa tota vbe odọọ.” Absalọm keghi rhie te ẹe wẹẹ, “I ho ne u mwamwa ẹẹn ne I miẹn ọba aro. A deghẹ I rri abe wẹ ne ọ gbe mwẹ uan.”

I Krọnikol 12:17

E Devid keghi bu iran gha khian, ọ tama iran wẹẹ, “A dẹghe te uwa rre zẹ vbe ọse ne uwa do yọmwẹ obọ, I miẹn uwa yi, wa deba ima! Sokpan, dẹghe te uwa mwẹ ọnrẹn vbe ekhọe ne uwa do rhie mwẹ yan eghian mwẹ obọ, egbe ne a rhe ya miẹn wẹ I ma ru uwa emwirhọkpa, Osanobua avbe erha mwẹ odede gha rẹn, ọ ghi rria uwa ikhi.”

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Itan 3:3

Ghẹ rhie obọ hin agba ẹko ọmwa kevbe ekhọe esi rre, viọ iran kinnọ urhu, gbẹnnẹ iran ye ekhọe ruẹ.

Iwinna 25:11

Adeghẹ I de iyi, ighẹ I ru emwikemwi ne ọ kere ne a gbe mwẹ uan baa, I ma wẹ ne a fan mwẹ fua. Sokpan a deghẹ ẹmwata i rre ẹzọ ne iran gun mwẹ gui, ọmwa rhọkpa i sẹtin gba mwẹ rhie fi iran obọ, I tọn ẹzọ mwẹ mu gha rrie ọghe Nọgbaisi.”

Jọsua 2:14

Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”

Jọsua 22:22

“Ọmwa ne ọ yan Ẹtin nii ọrọre Osanobua! Rẹn ọrọre e Nọyaẹnmwa! Rẹn rẹn emwi ne ọ ya ima ru emwi na, ọ vbe kei ne uwa vbe rẹn. A deghẹ te ima sọtẹ ighẹ ma ma ghi rhie ekhọe ye ẹmwẹ Nọyaẹnmwa, wa ghẹ sẹ ima rae ye agbọn ọvbehe!

Ebe Rut 1:8

Sokpan, ọ ghi sẹ odẹ, ọ tama iran wẹẹ, “Wa werriegbe gha rrie owa ne uwa ya tota ke iye uwa. Obọ ne ọ maa ne uwa ya mu mwẹ kevbe iran ni wulo nẹ, ọ re Nọyaẹnmwa gha vbe ya mu uwa.

I Samuẹl 18:1

Ugbẹn vbe Sọl vbe Devid ghi gha guan nẹ, ẹmwẹ e Devid keghi wa la e Jonatan ekhọe sẹrriọ wẹ, ọ keghi ho ẹmwẹ ọnrẹn zẹ vbe ne ọ ho ẹmwẹ egbe ẹre.

I Samuẹl 18:3

E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.

I Samuẹl 20:16

te ile ne ima ta ma egbe na, gha ye gha re ne ọ ya mu gbain. A deghẹ u ghi rra ẹre, te Nọyaẹnmwa gha rria ruẹ ikhi.”

I Samuẹl 20:9

E Jonatan keghi wanniẹn wẹẹ, “Ghẹ zẹdẹ mu ọnii ro, a deghẹ mẹ gele rẹn wẹ erha mwẹ ho ne ọ gbe ua, mẹ ghẹ ghi tama ruẹn?”

I Samuẹl 23:18

Iran eva keghi gba vẹn ihẹn ne egbe. E Devid kegha rrie Hores, e Jonatan na gha rrie owa.