I Samuẹl 20:29 - Edo Bible (E Baibol Ẹdo) Version 1996

²⁹ Ọ keghi kha wẹẹ, ‘Lahọ gunmwẹ gha khian, rhunmwuda ẹgbẹe ima gha ru emwiukpo izọ ese, etẹn mwẹ keghi kha wẹ ne I ghẹ mwẹ I ma gha rre evba. Rhunmwuda ọnii nian, a deghẹ ọse mwẹ ọ re u khin, gun mwẹ gha khian ya miẹn avbe etẹn mwẹ.’ Ọnii ọ re ọ zẹe ne ẹ i na re ehe ne a na rri evbare vbe ehe ne u ye.”

I Samuẹl 20:29 ပူးပေါင်းရင်းမြစ်များ

I Samuẹl 16:2

E Samuẹl keghi nọọn wẹẹ, “Vbe i a gha na ru emwi vberriọ hẹ? E Sọl gha họn te ọ gbe mwẹ uan!” E Nọyaẹnmwa keghi wanniẹn wẹẹ, “Mu ovbi ẹkhuia ẹmila mwẹ obọ, ne u kha wẹ te u do zọ ese ghe Nọyaẹnmwa.

I Samuẹl 17:28

Eliab ne ọtẹn e Devid ne ọdiọn keghi họn vbe ọ gu emwa nii guan. Ohu ẹre keghi mu ẹẹn, ọ na tama rẹn wẹẹ, “Vbe u a ru vbe emwa na yi? De ọmwa ne u sẹ avbe ohuan ni rae na vbe uwu oha yi? U ghe ẹre ighẹ gie aro mwẹ sẹ! Ghe ẹhi ẹre, okuo ọ re ọ rre do ghe!”

I Samuẹl 20:28

E Jonatan keghi wanniẹn wẹẹ, “Te ọ rinmwian mwẹ ne I gie irẹn gha rrie Bẹtlẹhẹm.

I Samuẹl 20:30

Ohu e Jonatan keghi wa kakabọ mu e Sọl. O tama rẹn wẹẹ, “Wẹ ne a ma biẹ ẹse na, I rẹnrẹn ighẹ uma ọkpa ọ re uwẹ vbe Devid gha ye, u na gha fa egbe ruẹ kevbe nene iye uẹ nii u an.