I Samuẹl 20:22 - Edo Bible (E Baibol Ẹdo) Version 1996

²² Sokpan, a deghẹ I tama rẹn wẹẹ, ‘Avbe ifẹnmwẹ na rre obọ nọkpa,’ u ghi kpao ọ, rhunmwuda, e Nọyaẹnmwa ọ re ọ wẹ ne u kpao.

I Samuẹl 20:22 ပူးပေါင်းရင်းမြစ်များ

I Samuẹl 20:21

I ghi tama ọguọmwadia mwẹ ne ọ ya gualọ ehia viọ rre. Adeghẹ I tama rẹn wẹẹ, ‘Ghe avbe ifẹnmwẹ vbe obọ na ne u viọ rre,’ ọ nii rhie ma wẹ emwi rhọkpa i ruẹ ne u ladian. I ya eni Nọyaẹnmwa nọ rrọọ vẹn ihẹn wẹ emwirhọkpa i ra ruẹ.

I Samuẹl 20:37

Ọvbokhan nii ghi sẹ ehe ne ifẹnmwẹ nii de yi, e Jonatan keghi niẹn urhu davan ya khama rẹn wẹẹ, “Ifẹnmwẹ nii ye rrei vbe odaro ruẹ.

I Samuẹl 20:42

Ẹre Jonatan na tama Devid wẹẹ, “Te Nọyaẹnmwa gha yaba ruẹ. E Nọyaẹnmwa gha ru ẹe ne a miẹn wẹ mẹ vbe ruẹ, ivbi uẹ kevbe ivbi mwẹ ni gha lele ima, gha ru zẹ vbene ile ne ima gu egbe ta khare ẹdẹdẹmwẹdẹ.” Ẹre Devid na kpao, e Jonatan keghi dọlegbe gha die owa.