I Samuẹl 20:2 - Edo Bible (E Baibol Ẹdo) Version 1996

² E Jonatan keghi wanniẹn wẹẹ, “Osanobua ghẹ gie uẹ wu! Te erha mwẹ tama mwẹ emwi ne ọ rhirhi gha ho ne ọ ru, ọ kpọlọ ra ọ kanmwa, ẹ i ghẹ vbe rhie ọna lẹre mẹ. Ẹmwata i rre evba!”

I Samuẹl 20:2 ပူးပေါင်းရင်းမြစ်များ

Gẹnẹsis 44:7

Iran keghi wanniẹn tama rẹn wẹẹ, “Vbua ye avbe ẹmwẹ ne u talọe na kha yi enọwanrẹn? Ma gha vẹn ihẹn wẹ ma ma ru emwi vberriọ ẹdẹdẹmwẹdẹ.

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Itan 29:24

Ogieva oyi ọrọre eghian rẹn ne ọ khọ sẹẹ ehia, ọ gha ta ẹmwata vbe iko, a gha rri ọre oya, adeghẹ ọ ma ta ẹmwata, Osanobua gha fi ẹre unu.

Aizaia 50:5

E Nọyaẹnmwa rhie irẹnmwi mẹ nẹ, mẹ ma vbe sọtẹ ọ re ra ne I fi iyeke gbẹe.

Iyẹn ne ọ Maan Ọghe Luk 20:16

Ọ gha re, ọ ghi do gbele iran uan, ọ ghi mu ugbo ni ne emwa ọvbehe gha gbearoghe.” Avbe emwa nii ghi họn ẹmwẹ na, iran wẹẹ, “Awua ne Osanobua.”

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Iyẹn ne ọ Maan Ọghe Jọn 17:8

Rhunmwuda uhunmwu ne u gie mwẹ re, I tama iran nẹ, iran vbe miẹn rẹn nẹ, iran rẹnrẹn wẹ ọghuẹ mẹ ke gha dee vbe ẹmwata, iran vbe yayi nẹ ighẹ wẹ ọre ọ gele gie mwẹ.

Jọsua 22:29

Ma i ghẹ mwẹ odẹ ne a ya sọtẹ ghe e Nọyaẹnmwa ra ne ima fi iyeke gbe ẹe nian. Vbe ekpa ne a gha na bọ aka ne a na giẹn emwi imuohan ra emwi imuohan ọka ra izọese. Ma i ra bọ aka ọvbehe gberra aka ọghe Nọyaẹnmwa Osanobua mwa ne ọ rre odaro Owa Ukpọn ne a dia ọghọe.”

Jọsua 24:16

Emwa nii keghi wanniẹn wẹẹ, “A i zọe vbe iro ẹdẹ wẹ a gha sẹ e Nọyaẹnmwa rae ne a ya gha ghoo ẹbọ ọvbehe!

I Samuẹl 14:45

Sokpan avbe emwa nii keghi tama e Sọl wẹẹ, “Te uwẹ we ne a gbe Jonatan ne ọ gie Izrẹl miẹn akhọnmiotọ nọkhua na rua ra? Ẹdẹ! Ma ya eni e Nọyaẹnmwa ne ọ rrọọ yan wẹ eto ọkpa i ra vbọ fua vbe uhunmwu ẹnrẹn. Iyobọ Osanobua ọre ọ ya ru emwi ne ọ ru ẹrẹna.” Ọre a na miẹn wẹ emwa ni ma gia gbe Jonatan rua.

I Samuẹl 20:1

Ẹre Devid na lẹ kpao vbe Naiọt ne Rama rre, ọ na bu e Jonatan gha khian ya tama rẹn wẹẹ, “De emwi ne I ru? De a i ghẹ ru ne I ru? De abakuru ne I ru ghe erha a ne ọ na ho ne ọ gbe mwẹ uan?”

I Samuẹl 20:12

E Jonatan keghi tama Devid wẹẹ, “E Nọyaẹnmwa Osanobua ọghe Izrẹl ọ re ọ khian gha re osẹe ima. Ẹghẹ na vbe akhuẹ kevbe irakhuẹ, I gha nọ erha mwẹ ọta. I gha gie ne a tama ruẹn a deghẹ ẹmwẹ esi ọ re ọ tae vbe ekpa ruẹ.

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”

I Samuẹl 9:15

Vbe a tie ẹre akhuẹ e Sọl khian rre, e Nọyaẹnmwa keghi tama Samuẹl wẹẹ,