I Samuẹl 20:1 - Edo Bible (E Baibol Ẹdo) Version 1996

¹ Ẹre Devid na lẹ kpao vbe Naiọt ne Rama rre, ọ na bu e Jonatan gha khian ya tama rẹn wẹẹ, “De emwi ne I ru? De a i ghẹ ru ne I ru? De abakuru ne I ru ghe erha a ne ọ na ho ne ọ gbe mwẹ uan?”

I Samuẹl 20:1 ပူးပေါင်းရင်းမြစ်များ

Psalm 54:3

Iran ni tọn egbe mu dee ra do gunmwẹ gbinna avbe emwa dan ho ne iran gbe mwẹ uan iran ne ẹ i vbe zẹ ye ọghe Osanobua hiehiere.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

I Jọn 3:21

Rhunmwuda ọnii, wa ne ọse mwẹ ni ghaan, a deghẹ orhiọn mwa ma bu abe gbe mwa, ẹtin ghi gha rre ima iwu vbe odaro Osanobua.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”

I Samuẹl 19:1

E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.

I Samuẹl 19:18

E Devid keghi lẹfua, ọ na bu e Samuẹl gha rrie Rama, ọ na ya talọ emwi hia ne Sọl ru ẹre re ma rẹn. Rẹn kevbe Samuẹl keghi gba gha rrie Naiọt, iran na ya di evba ya.

I Samuẹl 20:2

E Jonatan keghi wanniẹn wẹẹ, “Osanobua ghẹ gie uẹ wu! Te erha mwẹ tama mwẹ emwi ne ọ rhirhi gha ho ne ọ ru, ọ kpọlọ ra ọ kanmwa, ẹ i ghẹ vbe rhie ọna lẹre mẹ. Ẹmwata i rre evba!”

I Samuẹl 20:32

E Jonatan keghi wanniẹn wẹẹ, “Vbọzẹ ne ọ gha na wu yi? De emwi ne ọ ru?”

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 24:17

Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.

I Samuẹl 24:9

Ọ tama rẹn wẹẹ, “Vbọzẹ ne u na zẹ ye emwa ni tama ruẹn wẹ mẹ ho ne I gbe uẹ ua re?

I Samuẹl 26:18

Ọ keghi rhie te ẹe wẹẹ, “Vbọzẹ ne u na ye khu mwẹ khian, mẹ ne ọguọmwadia ruẹ? Vbe i a mobọ ru? De a i ghẹ ru ne I ru?