I Samuẹl 2:9 - Edo Bible (E Baibol Ẹdo) Version 1996

⁹ “Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.

I Samuẹl 2:9 ပူးပေါင်းရင်းမြစ်များ

Job 18:18

A gha khu ẹe fua hin otọ emwa ni rre agbọn, a ghi khu ẹe fua vbe uwanmwẹ la ebiebi.

Job 40:13

Tọnnọ iran hia ye otọ, munọ iran gba vbe ẹvbo emwa ni wulo nẹ.

Job 5:16

Ọ rhie idaehọ ne ovbiogue. Ọ gue ọmwa dan unu.

Job 5:24

Ẹghẹ nii, u ghi gha rre irhu ruẹ vbe ọfumwegbe; u gha ya ghe ohuan ruẹn, u ghi miẹn wẹ emwirhọkpa ma ru iran.

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 105:37

Iyekọni, ọ keghi viọ ivbi Izrẹl ladian, iran viọ esiliva kevbe igoru, egbe wa rran iran hia, iran keghi vbe wegbe vbe egbe.

Psalm 121:3

Rẹn i ra giẹ uwẹ de, ọmwa ne ọ rhie ruẹ lẹre, ẹ i vbiẹ.

Psalm 121:5

Nọyaẹnmwa gha gbe aro ghe ruẹ, ọ mudia ke uẹ ne ọ degue ruẹ.

Psalm 121:8

ọ gha degue ruẹ vbe uwẹ a gha dee kevbe u a gha khian, banbanna kevbe ẹdẹdẹmwẹdẹ.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 31:17

I tu tie ruẹ Nọyaẹnmwa ghẹ gie iran fa mwẹ uan. Efaa ọ re ọ gha rruan ọmwa dan, te iran gha do gha rriẹ ẹvbo emwa ni wulo nẹ.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Psalm 94:18

Mẹ khare wẹẹ, “Ghe vbe I ra de,” sokpan, ahoẹmwọmwa ruẹn ne ẹ i beghe keghi da mwẹ yi Nọyaẹnmwa.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Itan 16:9

Wẹ sẹtin ru emwamwa ọwuẹ. Sokpan Osanobua ọ re ọ ta vbene u gha ru emwi hẹ.

Itan 2:8

Ọ degue iran ni ya obọ esi mu emwa ọvbehe, ọ ghi vbe gha khẹ odẹ ne iran ni gu obọ ẹre.

Itan 3:26

E Nọyaẹnmwa gha rhie ruẹ lẹre. Ẹ i vbe guẹ de ye ifi.

Asan-Ibo 5:17

Emwi ne a ghi miẹn vbọ ọrọre ne a gha lo ẹdẹ agbọn mwa vbe uwu ebiebi kevbe irhiaẹko, ekhọe ma sotọ, ohu kevbe emianmwẹ.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

Aizaia 47:5

E Nọyaẹnmwa tama e Babilọn wẹẹ, “Tota ne u hunwan hii vbe uwu ebiebi a i ghi dọlegbe tie ruẹ oloi avbe uhunmwu ẹvbo!

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Nahum 1:8

Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.

Zẹfanaia 1:15

Ẹdẹ ohu nọkhua khian gha nọ, ẹdẹ ọlọghọmwa kevbe ibaro, ẹdẹ ọrhiae kevbe ọfuan, ẹdẹ ebiebi kevbe akhiẹ, ẹdẹ ne ọ vuọn ne okuku kevbe ne ọ siere ua.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Nọmbas 6:24

“Te Nọyaẹnmwa gha fiangbe uwa ne ọ gha gbe aro ghe uwa.

Matiu 8:12

A ghi khulo iran ne a mobọ roro ighe ọ yan nene Arriọba ku uwu ebiebi vbe ore. Iran ghi gha viẹ, iran, ghi gha rriakọn khuara vbe evba.”

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

II Pita 2:17

Iran na yevbe ẹzẹ ne ọ kae, iran ye vbe ubimwẹ amẹ ne ẹhoho hoho khian. Osanobua rhie otọ khẹ iran nẹ vbe uwu ebiebi ne ọ dinmwi sẹẹ ehia.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.

I Samuẹl 25:26

E Nọyaẹnmwa ọ re ọ ma guẹ rria ikhi ne egbe ruẹ ne u gbele avbe eghian ruẹn. Banbanna nian, mẹ ya eni e Nọyaẹnmwa ne ọ rrọ vẹn ihẹn ma ruẹn wẹ, eghian ruẹn hia kevbe emwa ni te gualọ odẹ ne iran gha la ruẹ re, vbene a ra rri e Nabal oya ọ re a ra vbe rri iran oya.