I Samuẹl 2:8 - Edo Bible (E Baibol Ẹdo) Version 1996

⁸ Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.

I Samuẹl 2:8 ပူးပေါင်းရင်းမြစ်များ

Gẹnẹsis 41:14

Ọba keghi gie ne a tie Josẹf, iran keghi zẹgiẹ rhie ẹre ke uwu ẹwẹdọ ladian. Ugbẹn vbe ọ ghi zẹ ẹtu nẹ, ọ na fi ukpọn werriẹ ọ na bu ọba gha dee.

Gẹnẹsis 41:40

I gha mu ẹmwẹ ẹvbo mwẹ yuẹ obọ, emwa mwẹ ghi gha ru vbene u khare. Wẹ ọ re ọ ghi ra gha zẹ lele mwẹ.”

II Samuẹl 7:8

Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

I Ọba 16:2

“A ma te rẹn ruẹn, sokpan, I na ya a ru ọkaolotu ọghe ivbi Izrẹl ne emwa mwẹ, u keghi ru vbene Jeroboam ru, u ru orukhọ nẹ, u na vbe silo emwa mwẹ obọ la orukhọ. Orukhọ iran ya ohu mu mwẹ nẹ nian,

II Ọba 9:6

Ẹre iran eveva na gba la uwu owa, ẹre akhasẹ igbama nii na sa ori oliv yan e Jehu uhunmwu, ọ na kha ma rẹn wẹẹ, “E Nọyaẹnmwa ne Osanobua Izrẹl khare wẹẹ, ‘I ya a rriọba yan ivbi Izrẹl ne emwa mwẹ.

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Job 2:8

E Job keghi ya tota ye otiku, ọ na rhie ebunbunmwẹhẹn ya gha hia erhọn.

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 104:5

U mu agbọn gbọ ye ẹyotọ ẹre gbain ai vbe mu ẹẹn hin rre ẹdẹdẹmwẹdẹ.

Psalm 107:41

Sokpan ọ yuo iran ne ẹ i mwẹ hin usẹ iran rre, ọ keghi ya ẹgbẹe iran gha muan yọ zẹ vbe oghẹn ohuan.

Psalm 24:2

Ọ bọ ẹe yan odin amẹ ne ọ rre uwu otọ. Ọ kevbe gbe ẹyotọ ẹre yan orinmwi amẹ okun.

Psalm 75:3

Avbe emwi ne a yi hia gha rhe gha guọ ighẹ a vbe mu agbọn tobọre rueghe I gha gie ẹyotọ ẹre de ziẹn.

Psalm 75:4

I tama emwa dan wẹẹ, ne iran ghẹ ghi hio,

Psalm 75:7

Osanobua ọrọre nọ bu ohiẹn ọ gha bu asẹ ne eso ọ gha bu abe gbe eso.

Aizaia 22:23

I gha kan ẹre uhe ye aga vbe ihe ẹre gbangbangban zẹ vbe ukeke, ọ ghi gha re ne a ya hio ne ẹgbẹe ọ re hia.

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 6:3

Wanwanna, e Daniẹl rhie maa nẹ ighe rẹn guẹ iwinna sẹẹ iran ne eva ni dekẹe ra avbe gọvina nii. Rhunmwuda wẹ a i miẹn egbe irẹn, e Dariọs na zẹẹ ọe vbe iro wẹ rẹn wa mu otọe arriọba nii hia ne ẹẹn gha gbearoghe.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Arhie Maan 1:6

Ọ keghi ya ima ru arriọba avbe ohẹn ne ima gha ga Osanobua ẹre kevbe Erha ẹe. Ọ ghe Jesu Kristi ọre uyi kevbe ẹtin gha khin ẹdẹ kevbe ẹdẹdẹmwẹdẹ, Isẹ.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.

Arhie Maan 5:10

U ya uniẹn hia, ẹvbo ne a zẹ, emwa kevbe agbọn ẹvbo, ru arriọba avbe ohẹn, ne iran gha ga Osanobua mwa. Iran gha vbe khaemwisẹ vbe agbọn.”

I Samuẹl 15:17

E Samuẹl keghi wanniẹn wẹẹ, “A gha rhe miẹn wẹ, wẹ ma ka egbe ruẹ ye emwi rhọkpa, wẹ ọrọre ọkaolotu ẹwae emwa Izrẹl. Nọyaẹnmwa ọ re ọ ya a ma ọba Izrẹl.