I Samuẹl 2:6 - Edo Bible (E Baibol Ẹdo) Version 1996

⁶ E Nọyaẹnmwa ọ re ọ gbe, rẹn ọ vbe huẹn. Rẹn ọ re ọ gie emwa yo ẹvbo eni wulo nẹ. Ọ ghi vbe dọlegbe viọ iran gha dee.

I Samuẹl 2:6 ပူးပေါင်းရင်းမြစ်များ

I Ọba 17:22

E Nọyaẹnmwa keghi họn erhunmwu Elaija, ọmọ nii keghi suẹn gha hiọnrọn, ọ na rinran rre.

II Ọba 5:7

Ọba Izrẹl ghi tie ebe nii, ọ keghi sọọ ukpọn rẹn uan rhunmwuda ọ ye egbe wọ ọre, ọ kevbe fian ẹre afianma. Ọ keghi kha wẹẹ, “Vbe ọba e Siria na wẹ ne I sinmwi ọmwa na hẹ yi? Te irẹn ro ighẹ Osanobua ne ọ mwẹ ẹtin vbe uhunmwu arrọọ kevbe uwu mẹ khin ra? U ma miẹn ighẹ ẹmwẹ ọ re ọ ho mwẹ re na.”

Job 5:18

Osanobua ọ re ọ vbe gba ẹwẹn ne irẹn fiaẹn. Obọ ẹre gha kuan ruẹn, obọ ẹre ọ vbe sinmwi uẹn.

Psalm 116:3

Ẹbe ọghẹ uwu te lẹga mwẹ; orrirri idin te lẹga mwẹ; ohan kevbe ohawa te ra gbe mwẹ uan.

Psalm 30:4

Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Psalm 68:20

Osanobua mwa Osanobua ne ọ miẹn ọmwa fan ọre nọ rẹn ọrọre Nọyaẹnmwa, ne Nọyaẹnmwa ne ọ wọlọ ọmwa ladian hin uwu rre.

Psalm 71:20

U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Asan-Ibo 3:3

ọ rhie ẹghẹ yọ ne a ya gbe ua, ọ rhie ẹghẹ yọ ne a ya sinmwi, ọ rhie ẹghẹ yọ ne a ya siẹn emwi sotọ, ọ rhie ẹghẹ yọ ne a ya bọ ẹe, ọ rhie ẹghẹ yọ ne ẹko ya rriara, ọ rhie ẹghẹ yọ ne ẹko ya rhiẹnrhiẹn,

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Ezikiẹl 37:12

Rhunmwuda ọnii, ta ẹmwẹ akhasẹ ma ivbi Izrẹl ne emwa mwẹ, ne u khama iran wẹ, mẹ ne Nọyaẹnmwa ne Osanobua, ra we idin iran unu an, I ra viọ iran ladian, ne I vbe viọ iran gha die otọe Izrẹl.

Ezikiẹl 37:3

Rẹn keghi tama mwẹ wẹẹ, “Ovbi ọmwa, avbe ugboloko na gha ye sẹtin do khian emwa ni rre agbọn ra.” Mẹ keghi wanniẹn wẹẹ, “E Nọyaẹnmwa ne Udazi, wẹ ọkpa ọ re ọ gha sẹtin rhie ewanniẹn ye ọnii.”

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Iyẹn ne ọ Maan Ọghe Jọn 11:25

Jesu tama rẹn wẹẹ, “Mẹ ọrọre arhiọkpaegbe kevbe arrọọ, ọmwaikọmwa ne ọ rhirhi a ya mwẹ yi, ọ gha rre agbọn, ọ gha khọn rẹn ne ọ wu.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”