I Samuẹl 2:36 - Edo Bible (E Baibol Ẹdo) Version 1996

³⁶ Iran ni ghi miẹn uhunmwu vbe avbe ivbi uẹ, iran ghi ya gha nọ ohẹn igho kevbe evbare, iran ghi vbe rinmwian ne a gie iran gha ye avbe ohẹn obọ ne iran ma kue miẹn evbare unu gha re.”

I Samuẹl 2:36 ပူးပေါင်းရင်းမြစ်များ

I Ọba 2:27

Ẹre Solomọn na rhuan Abiata hin ehe ne ọ na te ga e Nọyaẹnmwa zẹ vbe ohẹn, ọ keghi do mu ẹẹn sẹ ighẹ ẹmwẹ ne Nọyaẹnmwa ta ẹe vbekpa Elai kevbe ivbi ẹre vbe Siailo.

II Ọba 23:9

A ma kue ne avbe ohẹn ni gha winna vbe uwu Ọgua Osa, sokpan iran sẹtin gha re vbe ebrẹd ne ọ ma hue ne a viọ gie avbe ohẹn ne ihua iran.

Itan 14:19

Te emwa dan gha de igue vbe odaro ẹmwata ne iran vbu aro ne ọ maa vbe obọ iran.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Giọgis 17:10

E Maika keghi kha wẹẹ, “Tota ke mwẹ, gha re ne ọ gunmwẹ zẹ iro kevbe ohẹn, I gha ha ruẹ igho erọnmwọ igbe vbe ukpo kevbe ukpọn eso deba evbare ruẹ.”

I Samuẹl 2:35

“I gha zẹ ohẹn ne ọ guobọ mwẹ, ọ ghi vbe gha ru emwi hia ne I ho ne ọ ru. I gha viọ emọ ne ẹẹn, iran ni gha ga vbe odaro avbe ọba ne I hannọ zẹ.

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.