I Samuẹl 2:35 - Edo Bible (E Baibol Ẹdo) Version 1996

³⁵ “I gha zẹ ohẹn ne ọ guobọ mwẹ, ọ ghi vbe gha ru emwi hia ne I ho ne ọ ru. I gha viọ emọ ne ẹẹn, iran ni gha ga vbe odaro avbe ọba ne I hannọ zẹ.

I Samuẹl 2:35 ပူးပေါင်းရင်းမြစ်များ

II Samuẹl 7:27

Nọyaẹnmwa ne Oghodua, Osanobua ivbi Izrẹl, rhunmwuda ne uwẹ na rhie emwi na ma ime ne ọguọmwadia ruẹ, vbene u na tama mwẹ wẹẹ, u gha ya uniẹn mwẹ rriọba ọ re ọzẹe ne ohan na gunmwẹ na erhunmwu vbenian ghe ruẹ.

I Ọba 1:45

E Zadọk kevbe Natan keghi tue ori ye ọre uhunmwu vbe Ẹzẹ e Gihọn. Iran na gha rrie adesẹ ore, iran na gha we uwemwẹ oghọghọ, te emwa hia ghi wa we na bọọ. Ọnii ọrọre urhu owogho ne uwa họn ẹn.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Ọba 11:38

A deghẹ u họn ẹmwẹ mẹ, u na ya uhi mwẹ gha ru emwi, I na so igiẹ ye ẹmwẹ uyinmwẹ ruẹn vbekpa ne u na ru vbene I kha re, zẹ vbene Devid ne ọguọmwadia mwẹ ru, I gha yaba ruẹ vbe ẹghẹ hia. I gha ya a ma ọba Izrẹl, I ghi vbe miẹn wẹ ivbi uẹ ọ re ọ khian vbe gha khaemwisẹ vbe iyeke uwẹ, zẹ vbene I ru ne Devid.

I Ọba 2:35

Ọba keghi ya Benaia ru ọkaokuo ye ihe ẹre, ọ na rhie Zadọk ne ohẹn ye ihe Abiata ne ohẹn.

I Krọnikol 29:22

Erriọ ọre ọ gha ye wẹ vbe ẹdẹ ne ẹdẹrriọ ẹko kegha rhiẹnrhiẹn iran hia vbe iran re, iran vbe da, vbe odaro e Nọyaẹnmwa. Iran keghi dọlegbe ma e Solomọn ọba ukpogieva. Iran na sa ori ye ọre uhunmwu zẹ vbe ọba iran vbe eni e Nọyaẹnmwa, Iran kevbe ma Zadọk ohẹn.

Psalm 18:50

Osanobua rhie akhọnmiotọ ne ọba ẹre, ọ rhie aho ẹmwẹ ọmwa ne ẹi beghe maa, ghe ọmwa ne irẹn hannọ zẹ ghe Devid kevbe ivbi uniẹn ọnrẹn ẹdẹdẹmwẹdẹ.

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Ẹksọdọs 1:21

Osanobua keghi viọ emọ ne avbe ikhuo ni mu emwi ubiẹmwẹ nii biẹlẹ rhunmwuda ne iran na mu ohan Osanobua.

Ezikiẹl 34:23

I gha rhie ọba ne ọ yevbe Devid ne ọguọmwadia mwẹ ne iran, ne ọ gha re ọsuohuan iran, ọ gha gbearoghe iran.

Nọmbas 25:13

A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.

I Samuẹl 10:9

E Sọl ghi fi egbe werriẹ ne ọ kpao vbe ehe ne Samuẹl ye, Osanobua keghi mu akpa ọgbọn yọ e Sọl, emwi ne Samuẹl tama rẹn hia keghi wa sẹ ẹdẹ rriọ.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.

I Samuẹl 2:36

Iran ni ghi miẹn uhunmwu vbe avbe ivbi uẹ, iran ghi ya gha nọ ohẹn igho kevbe evbare, iran ghi vbe rinmwian ne a gie iran gha ye avbe ohẹn obọ ne iran ma kue miẹn evbare unu gha re.”

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.

I Samuẹl 7:9

E Samuẹl keghi gbe oteghe ohuan ọkpa, ọ keghi wa giẹn ikun ẹnrẹn uan zẹ vbe emwi izọese ghe e Nọyaẹnmwa. Ọ keghi na erhunmwu ghe e Nọyaẹnmwa, ne ọ yi ivbi Izrẹl obọ, e Nọyaẹnmwa keghi họn erhunmwu ẹnrẹn.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.

I Samuẹl 9:12

Iran keghi wanniẹn wẹẹ, “Ẹn, ọ rre owa. Ghe, ọ wa khian vbe odaro uwa nian. Wa tua owẹ ye okhian, te ọ da ke ehe rre na rhunmwuda, emwa gha zọ ese ẹrẹna vbe aka ne ọ rre uhunmwu oke. U gha wa da la ore ẹvbo, u gha miẹn ọẹn vbe ọ te hin ukhunmwu ya rri evbare. Avbe emwa i ra suẹn evbare gha re ọ te sẹ evba, rhunmwuda te irẹn gha ka na erhunmwu emwi izọese nẹ, emwa nii ke suẹn evbare gha re. Wa gha rrie evba nii nian, wa gha miẹn ọẹn vba vbe ọwarọkpa.”