I Samuẹl 2:30 - Edo Bible (E Baibol Ẹdo) Version 1996

³⁰ Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.

I Samuẹl 2:30 ပူးပေါင်းရင်းမြစ်များ

I Ọba 11:11

Ọ na tama rẹn wẹẹ, “Rhunmwuda ighẹ te uwa yan ru ẹe ne u rhia ile ne ima gba ta, u na rra iyi mwẹ, I yan rẹn wẹ I gha miẹn ruẹn arriọba nii, I ghi mu ne ọkpa vbe uwu iran ni winna ne uẹn.

I Ọba 2:27

Ẹre Solomọn na rhuan Abiata hin ehe ne ọ na te ga e Nọyaẹnmwa zẹ vbe ohẹn, ọ keghi do mu ẹẹn sẹ ighẹ ẹmwẹ ne Nọyaẹnmwa ta ẹe vbekpa Elai kevbe ivbi ẹre vbe Siailo.

I Krọnikol 17:18

De emwi ne I ghẹ ghi ye tama ruẹn nian. U wa rẹn mwẹ ẹsẹse, sevba, u keghi rhie ọghọ mẹ, mẹ ne ọguọmwadia ruẹ.

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

II Krọnikol 26:18

Ne iran ya da ẹre obọ ẹre yi. Iran tama rẹn wẹẹ, “Uzaia, u i mwẹ asẹ ne u ya giẹn eturari ghe Nọyaẹnmwa. Avbe ohẹn ni re uniẹn Errọn, emwa ne avbe ma re ohẹn yọ, ọ re ọ ru ẹe. Kpa vbe ehe ne ọ huanrẹn na rre, u sẹmwẹ e Nọyaẹnmwa Osanobua, ẹ i ghi fiangbuẹ ọvbehe.”

Psalm 18:20

E Nọyaẹnmwa san mwẹ ẹse, rhunmwuda I ru emwi ne ọ kere, ọ fiangbe mwẹ rhunmwuda ighe I ma rria abe.

Psalm 18:26

Wẹ re ọmwa ne ọ huanrẹn ne iran ne ọ huanrẹn sokpan, u keghi khọ mu iran ni re emwa dan.

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Psalm 73:20

Iran yevbe imina ne ọ fo vbe owiẹ, wẹ gha guakpao Osanobua a ghi ho iran bẹkun.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Ẹksọdọs 28:43

Ẹghẹikẹghẹ ne Errọn kevbe avbe ivbi ẹre a rhirhi ya gha rrie Owa Ukpọn Ne ọ huanrẹn mwẹ, iran ghi rhie ẹre gba, ne iran ghẹ ya bannọ uan ne a ghẹ gbele iran an. Iyi etẹbitẹ ọre ọna khin ne Errọn kevbe ivbi uniẹn ọnrẹn ẹdẹdẹmwẹdẹ.

Ẹksọdọs 29:9

U ghi gbalọ iran ebuluku, u ghi dọlọ ẹrhu ye iran uhunmwu, iran ọ khian gha re ohẹn zẹ vbe ne iyi itẹbitẹ mwẹ khare. Vbene u gha ya ye Errọn kevbe ivbi ẹre ma ohẹn ọre ọna khin. Iran kevbe uniẹn iran gha ga mwẹ vbe ukpo ohẹn ẹdẹdẹmwẹdẹ.

Itan 12:8

U gha mwẹ ẹwaẹn, emwa ghi gha tian ruẹn, sokpan, u gha re akpa, emwa ghi ye aro gbe uẹ re.

Itan 4:8

Gha ho ẹmwẹ ẹwaẹn, ọ gha vbe ya uwẹ khian ọmwa ne ọ kpolo. Ye obọ gba ẹe ginna egbe, ọ gha vbe rhie uyi guẹ.

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Jerimaia 49:15

“E Nọyaẹnmwa ra do ya uwẹ khian ne ọ ma wegbe, ai ghi vbe miẹn ọmwa ne ọ gha ya ọghọ nuẹn.

Ezikiẹl 34:10

Mẹ ne Nọyaẹnmwa ne Udazi tae nian wẹ oghian uwa ọ re I khin, I gha miẹn uwa ohuan mwẹ, mẹ i ghi dọlegbe gie uwa gha re ọsuohuan iran ọvbehe, mẹ i ghi ra dọlegbe kue ne a miẹn wẹ egbe uwa ọkpa ọ re uwa gbearoghe. I gha wọlọ avbe ohuan mwẹ hin obọ uwa rre, mẹ i ghi ra gie uwa gbele iran re ọvbehe.

Daniẹl 4:34

Ọba keghi kha wẹẹ, “Ugbẹn vbe ukpo ihinrọn nii ghi ghaa nẹ, I keghi tọn aro mu ghe iso, ẹrherhe mwẹ keghi gba vbe uhunmwu. I keghi rho Osanobua ne ọ Sẹehia, I keghi rhie ọghọ kevbe uyi ne irẹn nii ne ọ rrọ ẹdẹdẹmwẹdẹ. “ ‘Rẹn gha rriọba ẹdẹdẹmwẹdẹ otọe arriọba ẹre gha rrọ etẹbitẹghori.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.

Nọmbas 11:20

Sokpan la uki hoho, rhinrin ọ te la uwa ehọ ladian, rhinrin ọ te do khan uwa. Ọ na gha sunu rhunmwuda ne uwa na he Nọyaẹnmwa, ne ọ gu uwa rre emwa na, wa gui ma rẹn wẹ ọ ma te kei ne uwa kpa hin Igipt rre?”

Nọmbas 35:34

Wa ghẹ mu awua ye otọ ne uwa ye, rhunmwuda mẹ ne Nọyaẹnmwa deba ẹre, te imẹ rre uwu ẹbu ivbi Izrẹl.

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iyẹn ne ọ Maan Ọghe Jọn 5:23

Ne emwa hia miẹn ehe na gha ye ọghọ ne Ọmọ zẹ vbene avbe ya ọghọ ne Erha. Ọmwa ne ọ ma ye ọghọ ne Ọmọ ọ ma ya ọghọ ne Erha ne ọ gie ẹe.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Iyẹn ne ọ Maan Ọghe Jọn 8:49

Jesu wanniẹn wẹẹ, “Mẹ i mwẹ orhiọn esu. Mẹ ya ọghọ ne Erha mwẹ sokpan wa i ya ọghọ mẹ.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

Giọgis 9:10

Avbe erhan keghi tama ohọ wẹẹ, ‘Larre ne u do gha re ọba ima.’