I Samuẹl 2:27 - Edo Bible (E Baibol Ẹdo) Version 1996

²⁷ Akhasẹ ọkpa keghi do ta uhunmwu ne e Nọyaẹnmwa gie na ma Elai wẹẹ, “Ẹghẹ ne Errọn ne erha uwa odede na gha re ọviẹn vbe Igipt ọ re I na rhie egbe mwẹ ma rẹn.

I Samuẹl 2:27 ပူးပေါင်းရင်းမြစ်များ

I Ọba 13:1

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.

I Ọba 2:27

Ẹre Solomọn na rhuan Abiata hin ehe ne ọ na te ga e Nọyaẹnmwa zẹ vbe ohẹn, ọ keghi do mu ẹẹn sẹ ighẹ ẹmwẹ ne Nọyaẹnmwa ta ẹe vbekpa Elai kevbe ivbi ẹre vbe Siailo.

Ẹksọdọs 12:1

E Nọyaẹnmwa keghi tama e Mosis kevbe Errọn vbe otọ Igipt wẹẹ,

Ẹksọdọs 12:43

E Nọyaẹnmwa keghi tama e Mosis kevbe Errọn wẹẹ, “Ilele ẹmwẹ Alagberra ọre ena khin: A ghẹ gie ọrriọvbe rrie evbare alagberra.

Ẹksọdọs 4:27

E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

Giọgis 13:6

Okhuo nii keghi kpao, ọ na ya tama ọdafẹn ọnrẹn, ọ wẹẹ, “Ọmwa Osanobua ọkpa bu mwẹ gha dee, ọ wa mu ohan zẹ vbe odibo Osanobua vbe a gha ghe ẹre. I ma nọ rẹn ehe ne ọ ke rre, ọ ma vbe ta eni ẹnrẹn ma mwẹ.

Giọgis 6:8

e Nọyaẹnmwa keghi gie akhasẹ ọkpa gie iran, ne ọ do ta uhunmwu ne Nọyaẹnmwa ne Osanobua Izrẹl gie wẹẹ: “I viọ uwa ke uwu ọviẹn ladian vbe Igipt.

I Samuẹl 3:12

Vbe ẹdẹ ne ẹdẹrriọ, I gha ru emwi ne I yan rẹn ighẹ I gha ru ẹgbẹe Elai re, ke omuhẹn ya sẹ ufomwẹ ọnrẹn.

I Samuẹl 9:4

Iran keghi la Ifreim ne ẹvbo oke fo, kevbe ako otọ Sialisia, sokpan iran ma miẹn iran. Iran na vbe ya sẹ otọ Sialim, sokpan, avbe ẹsin i vbe rre evba. Iran na vbe ye otọ Bẹnjamin, sokpan, iran ma ye miẹn iran.

I Samuẹl 9:6

Ọkpọmwa nii keghi wanniẹn wẹẹ, “Mudia nẹ o! Okpia nọwanrẹn ọkpa rre ẹvbo na, te emwa hia wa ya ọghọ ne ẹẹn, rhunmwuda, ẹmwẹ ne ọ rhirhi ta, te ọ gha sunu. Gie ima bu ẹre, u gha ghe, ọ gha sẹtin tama ima ehe ne ima gha na miẹn ẹsin na.”