I Samuẹl 2:25 - Edo Bible (E Baibol Ẹdo) Version 1996

²⁵ Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.

I Samuẹl 2:25 ပူးပေါင်းရင်းမြစ်များ

Gẹnẹsis 38:10

Emwi ne ọ ru keghi sọnnọ Nọyaẹnmwa, E Nọyaẹnmwa na vbe gbe ẹe rua.

Gẹnẹsis 38:7

Emwi dan ne Eri ru keghi sọnnọ Nọyaẹnmwa, ọre Nọyaẹnmwa na gbe ẹe rua.

I Ọba 8:31

“A gha kha wẹ orhunmwu ọkpa ru ọmwa ọvbehe khọ a na mu ẹẹn gha die Ogiukpo vbe Ọgua Osa na ne ọ do vẹn ihẹn wẹ rẹn ma rẹn ọkpa ọ ma rẹn eva.

I Ọba 8:32

E Nọyaẹnmwa, u ghi họn vbe ẹrinmwi ne u bu ohiẹn eguọmwadia ruẹ. Rri e nọ rria abe oya zẹ vbene ọ ma ẹẹn, ne u vbe zẹ orhue ne nọ ma rukhọ gbe.

II Krọnikol 10:15

Ihọ ọghe Nọyaẹnmwa Osanobua nọ ne ọ mu ẹẹn sẹ ighẹ ẹmwẹ ne ọ la unu Ahija ne akhasẹ, ovbi e Silo tama e Jeroboam ne ovbi e Nebat. Onii ọ si ẹe ne ọba ma na zẹ ye emwa ni re.

II Krọnikol 25:16

Amezaia keghi gbe eta ye ọre unu wẹẹ, “De ẹdẹ ne ima ghi vbe zẹ uwẹ iguọbaziro yi? Gue unu uẹn vba ne u ghẹ ya ye uhunmwu tae.” Vbe akhasẹ ni ghi te gue unu ẹnrẹn, ọ tama rẹn wẹẹ, “I rẹnrẹn wẹ Osanobua tae nẹ ne irẹn fuẹn ruẹn uan, rhunmwuda ne u na ru avbe emwi na hia kevbe ne u ma na rhie ude ne I bu ruẹ re.”

Job 9:33

Sokpan, ọmwa ne ọ ra guan ye ẹmwẹ na ne ima ẹ i rrọọ. A i miẹn ọmwa ne ọ gha bu ohiẹn imẹ vbe Osanobua.

Psalm 51:16

Wẹ i gualọ ese, te I gha te zọ ghe ruẹ. Ẹko ruẹ i vbe rhiẹnrhiẹn ye ese ne a giẹn uan.

Psalm 51:4

I rukhọ ghe ruẹ nẹ, wẹ ọkpa ọ re I rukhọ ọ ghe I keghi vbe ru emwi ne uwẹ ka ye orukhọ. Rhunmwuda ọnii, u rriase vbe u bu ohiẹn mwẹ emwi ne ọ kere ọ re u ru; vbe u bu abe gbe mwẹ.

Itan 13:1

Ọmọ ne ọ wan ghi gha danmwehọ vbe erha ẹe a gha gu ẹe gui, sokpan, ọmwa ne ọ hio i miẹnkue ẹdẹdẹmwẹdẹ ighe rẹn ba emwi ku ru.

Itan 15:10

U gha ru emwi ne ọ ma gba, a gha rriọọ oya ẹsẹse, sokpan, u gha wẹ ne a ghẹ dia ruẹ ye odẹ, uhunmwu ọ re u ya khiọ ẹre.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Asan-Ibo 3:3

ọ rhie ẹghẹ yọ ne a ya gbe ua, ọ rhie ẹghẹ yọ ne a ya sinmwi, ọ rhie ẹghẹ yọ ne a ya siẹn emwi sotọ, ọ rhie ẹghẹ yọ ne a ya bọ ẹe, ọ rhie ẹghẹ yọ ne ẹko ya rriara, ọ rhie ẹghẹ yọ ne ẹko ya rhiẹnrhiẹn,

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

I Samuẹl 3:14

Rhunmwuda ọnii, I keghi tua unu mu ẹẹn tama ẹgbẹe Elai wẹẹ, izọese ra izẹọhẹ ọkpa ne ọ gha sẹtin khian emwi ne ọ ra ke orukhọ dan na ikian hin rre, ẹ i rrọọ.”