I Samuẹl 2:24 - Edo Bible (E Baibol Ẹdo) Version 1996

²⁴ Wa gie ẹe sẹ evba, ivbi mwẹ. Emwi ne emwa e Nọyaẹnmwa ta vbe ekpa uwa mu ohan gbe.

I Samuẹl 2:24 ပူးပေါင်းရင်းမြစ်များ

I Ọba 15:26

Ọ keghi ru orukhọ ghe Nọyaẹnmwa, ọ na ya Izrẹl de ye orukhọ.

I Ọba 15:30

Ọna sunu rhunmwuda, e Jeroboam keghi ya ohu mu e Nọyaẹnmwa ne Osanobua Izrẹl vbekpa orukhọ ne irẹn ru, ọ na vbe silo ivbi Izrẹl obọ fi orukhọ ne iran vbe ru.

II Ọba 10:31

Sokpan, e Jehu ma ye ekhọe lele uhi ne Nọyaẹnmwa ne Osanobua yi ne ẹẹn, sokpan, ọ keghi lele igiemwi e Jeroboam ne ọ si ivbi Izrẹl la orukhọ.

Ẹksọdọs 32:21

Ọ keghi tama Errọn wẹẹ, “Vbe iran na ruẹ hẹ yi ne u na gie iran do ru orukhọ ne ọ khọrhiọn sẹ vbe nian?”

Malakai 2:8

“Sokpan, banbanna nian, wa ne avbe ohẹn fi iyeke gbe odẹ ẹmwata ne ọ rrọ nẹ. Emwi ne uwa ma emwa ẹre wa sii emwa nibun ya gha ru emwi ne ọ ma kei. Wa rraa ile ne I gu uwa taa nẹ.

Matiu 18:7

Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

II Kọrinti 6:8

A ya ọghọ ne ima, a vbe fa ima uan, a ya ukpẹ sakan ima, a vbe tian ima, a ru ima vbe ọhọn ohoghe, sokpan ẹmwata ma ta.

I Timoti 3:7

Ọ kere ne ọ gha re ọmwa ne emwa hia nii yo esọsi ya ọghọ na, ne a ghẹ ya fa ẹre ua ne ọ ya de ye ifi Esu.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

III Jọn 1:12

Emwa hia ọre ọ wa na iyẹn Demetriọs ne ọ maa, ẹmwata tobọ ẹre vbe ta ẹmwẹ ọnrẹn ne ọ maa. Ma keghi vbe rhie osẹe ima ba ẹre, wa tobọ uwa rẹnrẹn wẹ, ẹmwẹ ne I ma ta, ẹmwata nọ.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.

I Samuẹl 2:22

Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghe ivbi Izrẹl, kevbe wẹ iran mu avbe ikhuo ni winna vbe onurho Owa Ukpon yagha.

I Samuẹl 2:23

Rẹn keghi rhunmwuda onii tama iran wẹẹ, “Vbọzẹ ne uwa na ru avbe emwi na yi? Emwa hia ọ re ọ wa na iyẹn emwi dan ne uwa ru hia ma mwẹ.