I Samuẹl 2:22 - Edo Bible (E Baibol Ẹdo) Version 1996

²² Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghe ivbi Izrẹl, kevbe wẹ iran mu avbe ikhuo ni winna vbe onurho Owa Ukpon yagha.

I Samuẹl 2:22 ပူးပေါင်းရင်းမြစ်များ

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

Gẹnẹsis 37:2

Vbene okha ẹgbẹe Jekọb ye ọre ọna khin. E Josẹf, igbama ne ọ rre ukpo ehairrọvbugie keghi deba etiọnrẹn ivbi Bilha kevbe Zilpa ne egbakhian erha ẹe gha gbearoghe ohuan kevbe ẹwe. Ọ ghi do gha na iyẹn emwi dan ne etiọnrẹn ru ma erha ẹe.

Ẹksọdọs 38:8

Ọ keghi ru uwawa akhuẹ oze kevbe uhe ẹre ọghe oze, ughegbe avbe ikhuo ni winna vbe onurho ne a la la Owa Ukpọn Ehe ne Nọyaẹnmwa ye ọre ọ ya ru ẹe.

Ezikiẹl 22:26

Avbe ohẹn rra uhi mwẹ, iran i vbe yọghọ ne avbe emwi nihuanrẹn. Iran i vbe vin uwu ye ẹkpo emwi ne ọ huanrẹn kevbe nọ ma huan. Iran i vbe ma emwa alughaẹn negbe ne ọ rre ẹkpo emwi ne awua i ye ke ne awua ye, iran i vbe zẹdẹ zẹ ye ẹmwẹ Ẹdẹ Ikẹtin. Emwi ne a ghi la ọna miẹn ọrọre wẹ ivbi Izrẹl i ghi yọghọ mẹ.

I Samuẹl 2:23

Rẹn keghi rhunmwuda onii tama iran wẹẹ, “Vbọzẹ ne uwa na ru avbe emwi na yi? Emwa hia ọ re ọ wa na iyẹn emwi dan ne uwa ru hia ma mwẹ.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.

I Samuẹl 8:1

E Samuẹl ghi khian ọmaẹn nẹ, ọ keghi ye ivbi ẹre ru enibuohiẹn vbe Izrẹl.