I Samuẹl 2:20 - Edo Bible (E Baibol Ẹdo) Version 1996

²⁰ Ẹghẹ nii, Elai ghi fiangbe Ẹlkana kevbe ọvbokhan rẹn, ọ ghi khama Ẹlkana wẹẹ, “E Nọyaẹnmwa ne ọ gie okhuo na biẹlẹ emọ ọvbehe nuẹn ne ọ rhie ihe ọnọna ne u ya fi ohan ne ẹẹn na.” Iyeke onii, iran ghi werriegbe gha rrie owa.

I Samuẹl 2:20 ပူးပေါင်းရင်းမြစ်များ

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”