I Samuẹl 2:16 - Edo Bible (E Baibol Ẹdo) Version 1996

¹⁶ A deghẹ okpia nii ghi wanniẹn wẹẹ, “Gia ka giẹn ẹvbi ẹre nẹ, iyeke ọnii, u sẹtin rhie ne ọ ye ruẹ.” Ọguọmwadia ohẹn ghi kha wẹẹ, “Ẹn o, rhie mẹ nian! A deghẹ u ma rhie mẹ, I gha ya ẹtin miẹn ruẹn re!”

I Samuẹl 2:16 ပူးပေါင်းရင်းမြစ်များ

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Levitikọs 3:16

Avbe ohẹn ghi giẹn ena hia zẹ vbe emwi ihaoko evbare gie Nọyaẹnmwa. Ẹvbi ni rrọ hia, ọghe Nọyaẹnmwa nọ.

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Giọgis 18:25

Emwa e Dan nii keghi tama rẹn wẹẹ, “Ghẹ ghi guan gberra evba ne a ghẹ miẹn wẹ ohu mu emwa na, iran ghi do guẹ gbinna. Wẹ kevbe ẹgbẹe ruẹ hia ghi wulo.”

I Samuẹl 2:15

Ye vbe sẹ ọnii, uhin ighẹ a te do mu emiowo nii kpao ne a ya giẹn ọnrẹn uan, ọguọmwadia ohẹn ghi rre do tama ọmwa ne ọ zọ ese nii wẹẹ, “Fian emiowo mẹ mu gie ohẹn rhie tọn, ẹ i ra miẹn ruẹn emiowo ne a vbiẹvbiẹ vbe ẹ i re ọghọgbọn.”

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.