I Samuẹl 2:15 - Edo Bible (E Baibol Ẹdo) Version 1996

¹⁵ Ye vbe sẹ ọnii, uhin ighẹ a te do mu emiowo nii kpao ne a ya giẹn ọnrẹn uan, ọguọmwadia ohẹn ghi rre do tama ọmwa ne ọ zọ ese nii wẹẹ, “Fian emiowo mẹ mu gie ohẹn rhie tọn, ẹ i ra miẹn ruẹn emiowo ne a vbiẹvbiẹ vbe ẹ i re ọghọgbọn.”

I Samuẹl 2:15 ပူးပေါင်းရင်းမြစ်များ

Ẹksọdọs 12:9

Wa ghẹ rri ọre ọghọgbọn ra na a le ẹe, sokpan a ghi wa tọn ikun ẹnrẹn vberriọ, kevbe uhunmwu ẹnrẹn kevbe inu rẹn ke emwi ni rre ọre uwu egbe hia.

Levitikọs 3:16

Avbe ohẹn ghi giẹn ena hia zẹ vbe emwi ihaoko evbare gie Nọyaẹnmwa. Ẹvbi ni rrọ hia, ọghe Nọyaẹnmwa nọ.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

Ebe ne Jud gbẹẹn 1:12

Iran ye vbe ehe ne ọ gbe iruẹn vbe ehe ne ima na rri evbare ivbiotu mwa, rhunmwuda evbare ọzuọ ọghe ifaegbe ua, iran. Ẹgẹn iran ọkpa ọre iran gua yi. Iran ye vbe ubimwẹ amẹ ne ẹhoho mu khian, amẹ ọnrẹn i rhọ. Iran yevbe erhan ne ẹ i mọ, ọ gha khọn rẹn ne ọ gha re ẹghẹ orhọ, erhan ne a vu ẹre uhe mu fua nẹ, ne ọ wa wu fẹẹrẹ.

I Samuẹl 2:14

ọ gha dunmwu awan nii ye uwu ukodo, emwikemwi ne awan nii ghi viọ ladian, ọ ghe ohẹn ọre nọ. Erriọ iran gha a ru ivbi Izrẹl hia ni do zọ ese vbe Siailo.

I Samuẹl 2:16

A deghẹ okpia nii ghi wanniẹn wẹẹ, “Gia ka giẹn ẹvbi ẹre nẹ, iyeke ọnii, u sẹtin rhie ne ọ ye ruẹ.” Ọguọmwadia ohẹn ghi kha wẹẹ, “Ẹn o, rhie mẹ nian! A deghẹ u ma rhie mẹ, I gha ya ẹtin miẹn ruẹn re!”