I Samuẹl 2:14 - Edo Bible (E Baibol Ẹdo) Version 1996

¹⁴ ọ gha dunmwu awan nii ye uwu ukodo, emwikemwi ne awan nii ghi viọ ladian, ọ ghe ohẹn ọre nọ. Erriọ iran gha a ru ivbi Izrẹl hia ni do zọ ese vbe Siailo.

I Samuẹl 2:14 ပူးပေါင်းရင်းမြစ်များ

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Levitikọs 7:34

Ẹwẹn ọnrẹn keghi re oko kpataki, owẹ obọ erha ọmwa rẹn keghi re oghae kpataki ne Nọyaẹnmwa miẹn ivbi Izrẹl re viọ ne avbe ohẹn. Ọna keghi re emwi ne ọ khẹke iran, ne ivbi Izrẹl gha mwẹ iran re, kevbe orre ya sẹ orre.

Maika 3:3

Wa rri avbe emwa mwẹ, wa zẹ iran ohian, wa guọghọ ugboloko iran, wa keghi giagia iran ye otọ zẹ vbene a giagia emiowo hẹ ye uwọnmwẹ.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

I Samuẹl 2:13

ra ilele avbe emwi ne ọ kere ne avbe ohẹn gha miẹn emwa ẹre. Sokpan, ọmwa gha zọ ese, eguọmwadia ohẹn ghi mu awan ne ọ mwẹ ikpinhianbọ eha gha khian. Ehe ne a he na wa ye le emwi nii,

I Samuẹl 2:15

Ye vbe sẹ ọnii, uhin ighẹ a te do mu emiowo nii kpao ne a ya giẹn ọnrẹn uan, ọguọmwadia ohẹn ghi rre do tama ọmwa ne ọ zọ ese nii wẹẹ, “Fian emiowo mẹ mu gie ohẹn rhie tọn, ẹ i ra miẹn ruẹn emiowo ne a vbiẹvbiẹ vbe ẹ i re ọghọgbọn.”

I Samuẹl 2:29

Vbọzẹ ne aro uwa ghi na vbe wu ye emwi izọ ese kevbe emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ imẹ vbe ne u na gie iran gha rri ehe ne ọ maa sẹ vbe emwi ne emwa ya zọ ese ghe mwẹ ya gha tii ye egbe?