I Samuẹl 2:12 - Edo Bible (E Baibol Ẹdo) Version 1996

¹² Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa

I Samuẹl 2:12 ပူးပေါင်းရင်းမြစ်များ

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Jerimaia 22:16

Te ọ gha danmwehọ ẹzọ ovbiogue sẹ otọ emwi hia keghi maa ne ẹẹn. Ọnii ọ re a ya a rẹn e Nọyaẹnmwa kha.

Jerimaia 9:3

Iran wa mu egbe ye ohoghe ne a ta vbe ẹghẹ hia a i ta ẹmwata rhie ihe ẹmwata gha khaemwisẹ vbe otọe nii. E Nọyaẹnmwa khare wẹẹ, “Emwa mwẹ wa ru ọkhọ yan ọkhọ iran ma rhan obọ miẹn mwẹ zẹ vbe Osanobua iran.”

Ezikiẹl 22:26

Avbe ohẹn rra uhi mwẹ, iran i vbe yọghọ ne avbe emwi nihuanrẹn. Iran i vbe vin uwu ye ẹkpo emwi ne ọ huanrẹn kevbe nọ ma huan. Iran i vbe ma emwa alughaẹn negbe ne ọ rre ẹkpo emwi ne awua i ye ke ne awua ye, iran i vbe zẹdẹ zẹ ye ẹmwẹ Ẹdẹ Ikẹtin. Emwi ne a ghi la ọna miẹn ọrọre wẹ ivbi Izrẹl i ghi yọghọ mẹ.

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 8:55

Wa ma he rẹn ọnrẹn ẹdẹ, sokpan mẹ rẹn ọnrẹn. I gha kha ighe I ma rẹn ọnrẹn, mẹ gha vbe khian ọhọn ohoghe vbe ne uwa ye. Sokpan mẹ rẹn ọnrẹn, mẹ họn ẹmwẹ nẹẹn.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

II Kọrinti 6:15

Vbe Kristi kevbe Setan khian gba gu egbe gha rọ hẹ yi? De emwi ne nọyayi kevbe nọma yayi na re ọkpa yi.

Diuteronomi 13:13

Wẹ emwa oya eso vbe ẹvbo uwa bibi emwa ẹvbo ne iran ye odẹ, ne iran ya gha gho ẹbọ ne uwa ma he gho ẹdẹ.

Diuteronomi 13:14

Wa gha họn egbe awẹawẹ vberriọ, wa ghi kakabọ gualọ otọ ẹre ẹsẹse, a gha miẹn we ẹmwata nọ ighẹ emwi dan na gele sunu.

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 2:10

Orre ni hia keghi wulo, orre ne ọ ghi lele ẹe keghi mianmian e Nọyaẹnmwa kevbe emwi ne ọ ru ne Izrẹl.

I Samuẹl 10:27

Sokpan avbe ẹwobi emwa eso kegha kha wẹẹ, “Vbe oko na ra sẹtin ru ne ima yi?” Iran keghi ye aro tila e Sọl rua. iran ma ye imuohan gie ẹe.

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.