I Samuẹl 19:7 - Edo Bible (E Baibol Ẹdo) Version 1996

⁷ Rhunmwuda ọnii, e Jonatan keghi tie Devid ọ na na iyẹn emwi hia ma rẹn, rẹn keghi rhie ẹre bu e Sọl gha khian, ọ na vbe ya gha ga ọba vbene ọ ka ru ẹe de yi.

I Samuẹl 19:7 ပူးပေါင်းရင်းမြစ်များ

Gẹnẹsis 31:2

Rẹn kevbe miẹn wẹ ekhọe Leban fiwerriẹ ghe irẹn lahin vbene ọ te ka ye de yi.

I Krọnikol 11:2

Vbe ẹghẹ ne ọ gberra, uhin vbe Sọl he ye re ọba ima, wẹ ọ re ọ gha viọ ivbi Izrẹl ye okuo, e Nọyaẹnmwa Osanobua ruẹ keghi yan tama ruẹn wẹ u gha su emwa na, u ghi gha re ogie iran.”

Ẹksọdọs 4:10

Sokpan, e Mosis keghi tama Nọyaẹnmwa wẹẹ, “Lahọ ghẹ gie mwẹ, Nọyaẹnmwa, mẹ ma he guara guan vbe ẹbu ẹdẹ, kevbe ne u vbe ya suẹn gha gu mwẹ guan gha dee, I ma he vbe ye guẹ, Nọyaẹnmwa. I i gua ra guan, te I ta ẹe lọkọlọkọ, I ghi vbe gha ba ẹmwẹ.”

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

I Samuẹl 16:21

E Devid keghi bu e Sọl gha dee, ọ na gha winna ne ẹẹn. E Sọl keghi wa ho ẹmwẹ ọnrẹn ẹsẹse, ọ na gie ẹe gu irẹn gha viọ emwi igbinna mwẹ.

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 18:13

Rhunmwuda ọnii, e Sọl keghi rhie ẹre ladian vbe evba, ọ keghi ya ẹe ru ọkaokuo arhin arriaisẹn. E Devid kegha viọ emwa rẹn yo okuo,

I Samuẹl 18:2

Ke ẹdẹ ne ẹdẹrriọ kpao, e Sọl keghi rhie Devid ke egbe, ọ ma ghi vbe gie ẹe gha rrie.

I Samuẹl 19:6

E Sọl keghi danmwehọ ẹmwẹ ne Jonatan tae, ọ keghi vẹn ihẹn vbe eni e Nọyaẹnmwa wẹ a i ra gbe Devid.

I Samuẹl 19:8

Okuo keghi vbe dọlegbe saa ne ivbi e Filistin. E Devid keghi dekun iran, obọ ẹre keghi ke ukhunmwu ne iran sẹ vberriọ wẹ, iran keghi lẹkua hin ehe ne ọ ye rre.