I Samuẹl 19:5 - Edo Bible (E Baibol Ẹdo) Version 1996

⁵ Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”

I Samuẹl 19:5 ပူးပေါင်းရင်းမြစ်များ

II Samuẹl 23:10

Sokpan, rẹn ma vbọ owẹ, ọ gu ivbi e Filistin gbinna sẹ vberriọ wẹ te obọ ẹre ghi sigba vbene umozo ẹre ma na ghi gie ẹe rhie hin obọ rre. E Nọyaẹnmwa keghi khọnmiotọ ẹsẹse ẹdẹ nẹdẹrriọ. Okuo fo nẹ, ivbi Izrẹl keghi werriegbe gha die ehe ne Eliaza ye, ne iran do kie ẹwu igbinna vbe egbe emwa ni wulo.

I Krọnikol 11:14

Ẹre irẹn vbe emwa rẹn na mudia vbe adesẹ ugbo nii, iran na gu ivbi e Filistin gbinna. E Nọyaẹnmwa keghi rhie a khọnmiotọ ne ẹẹn.

I Krọnikol 11:18

Ivbiyokuo ni hin usi eha keghi ya uhunmwu ha agọ ivbi e Filistin gberra, iran keghi sa amẹ vbe uhae nii, iran na mu bu e Devid gha dee. Sokpan, ọ ma wọn ẹn, ọ keghi hihiẹ ọe ku otọ zẹ vbe emwi izọ ese ghe Nọyaẹnmwa,

Psalm 109:5

Iran ya ọkhọ ha ọmaa mẹ iran ya ikhuiwu ha osa ahoẹmwọmwa mẹ.

Psalm 119:109

I mu egbe vbe ẹghẹ hia ne I wu ba ẹre, I ma he mianmian uhi ruẹ.

Psalm 25:3

A i mu emwa ni mu ẹtin yan ruẹn gbotọ sokpan iran ni zẹgiẹgiẹ sọtẹ ruẹ.

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Psalm 94:21

Iran ni khuan khẹ emwa ẹmwata, ni bu abe uwu gbe ọmwa ne ọ ma rri abe.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Matiu 27:24

Pailet ghi miẹn wẹẹ rẹn gha wẹ ne irẹn gha gui ẹzọ nii khian ẹ i mwẹ esa, kevbe wẹ otutu gha tu, ọ keghi sa amẹ ya kpe obọ sirra iran hia, ọ wẹẹ, “I i mwẹ obọ vbe ẹmwẹ uwu okpia na. A lẹ ọre ginna uwa obọ.”

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Filipai 2:30

Rhunmwuda te ọ rhie uhunmwu mwẹ atataobọ, ọ te ra wa wu ba ẹmwẹ iwinna Kristi, ne ọ miẹn ehe na rhie iyobọ mẹ, egbe ne uwa ma sẹtin rhie mẹ.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Giọgis 12:3

I ghi miẹn ighẹ wa i ra miẹn mwẹ fan, I keghi rhie uhunmwu mwẹ atataobọ, I na fian ẹzẹ rra ya gu emwa Amọn gbinna. E Nọyaẹnmwa keghi gun mwẹ khọn miotọ vbe uhunmwu iran. De ne uwa ghi ra do gu mwẹ gbinna yi nian?”

Giọgis 9:17

Wa yerre wẹ te erha mwẹ gbinna ne uwa. Ọ keghi rhie uhunmwu ẹnrẹn mwẹ atataobọ ne ọ miẹn ehe na miẹn uwa fan hin obọ ivbi e Midian rre.

I Samuẹl 11:13

Sokpan, e Sọl keghi kha wẹẹ, “A i gbe ọmwa rhọkpa a ẹrẹna rhunmwuda ẹdẹnẹrẹ ọ re Nọyaẹnmwa miẹn Izrẹl fan.”

I Samuẹl 14:45

Sokpan avbe emwa nii keghi tama e Sọl wẹẹ, “Te uwẹ we ne a gbe Jonatan ne ọ gie Izrẹl miẹn akhọnmiotọ nọkhua na rua ra? Ẹdẹ! Ma ya eni e Nọyaẹnmwa ne ọ rrọọ yan wẹ eto ọkpa i ra vbọ fua vbe uhunmwu ẹnrẹn. Iyobọ Osanobua ọre ọ ya ru emwi ne ọ ru ẹrẹna.” Ọre a na miẹn wẹ emwa ni ma gia gbe Jonatan rua.

I Samuẹl 19:6

E Sọl keghi danmwehọ ẹmwẹ ne Jonatan tae, ọ keghi vẹn ihẹn vbe eni e Nọyaẹnmwa wẹ a i ra gbe Devid.

I Samuẹl 20:32

E Jonatan keghi wanniẹn wẹẹ, “Vbọzẹ ne ọ gha na wu yi? De emwi ne ọ ru?”

I Samuẹl 22:14

Ahimẹlẹk keghi wanniẹn wẹẹ, “E Devid ọ re ne ọ guobọ ruẹ sẹ vbe avbe emwa ruẹn hia! Orruan an nọ, rẹn ọ vbe re ọkaolotu emwa ne u ya khẹ egbe, emwa ni rre ẹguae ruẹ hia wa vbe ya ọghọ ne ẹẹn ẹsẹse.

I Samuẹl 28:21

Okhuo nii keghi bu ẹre gha khian, ọ keghi miẹn wẹ ọ runraẹn, rẹn keghi rhunmwuda ọnii tama rẹn wẹẹ, “Dọmọ ọ, te I mẹ rhie uhunmwu mwẹ atataobọ vbe I gha ru emwi ne u tama mwẹ ne I ru.