I Samuẹl 19:24 - Edo Bible (E Baibol Ẹdo) Version 1996

²⁴ Rẹn keghi bannọ ukpọn kua, ọ na gha ku, ọ na gha vannọ vbe odaro e Samuẹl. Ọ keghi wa lovbiẹ vbe irhunmwirhun avan nii hia ke ẹe kevbe asọn nii hia. (Erriọ ọre itan na ya suẹn wẹẹ, “Akhasẹ ọre Sọl ghi vbe khin ra?”)

I Samuẹl 19:24 ပူးပေါင်းရင်းမြစ်များ

II Samuẹl 6:14

Ukpọn eto ovbiohuẹ ọkpa ọ re Devid rra mu ẹkun, ọ kegha ya ẹtin ẹnrẹn hia kuu ne ọ ya ya ọghọ ne Nọyaẹnmwa.

II Samuẹl 6:20

E Devid keghi dọlegbe gha rrie owa ya tuẹ emwa rẹn. E Mikal ne ovbi e Sọl nokhuo keghi ya khian vba ẹre, ọ tama rẹn wẹẹ, “Ọba Izrẹl wa vbe mu eni ne ọ hin usi ne egbe ẹre ẹrẹna. Ọ na wa bannọ egbe ua ye otọ zẹ vbe ọzuọ vbe odaro eguọmwadia ni ikhuo ọghe avbe emwa ni rre asẹ vbe ototọ ẹre.”

Aizaia 20:2

Odẹ ukpo eha ne ọ gberra, emwi na ke do sunu, e Nọyaẹnmwa ke khama Aizaia ne ovbi Amọz wẹ ne ọ bannọ ibata ẹre kevbe ukpọn ẹkpo ivin ne ọ te yọ hẹ kua. Ọ keghi gele ru vberriọ, ọ na bannọ uan gha ya owẹ kẹkan mama otọ lele ehe hia khian.

Maika 1:8

E Maika keghi kha wẹẹ, “Rhunmwuda ọna, I gha khiẹ, I gha viẹ eve orriara. Ne I ya rhie ma vbene I miẹn akhiẹ sẹ hẹ, I gha ya irhunmwuirhun kevbe owẹ kẹkan khian la ẹvbo nii gaa, I gha tu wauwauwau zẹ vbe ekuaghagha, I gha viẹ egbe mwẹ uan zẹ vbe ugomugo.

Nọmbas 24:4

Ne ọ vbe sẹtin họn vbene Osanobua kha hẹ. I rhan aro a gbadaa, I ke ya bẹghe vbe umian, emwi ne Osanobua Ne Oghodua mu mẹ ghe.

Iwinna 9:21

Unu keghi yan emwa ni họn ẹn hia, iran kegha nọ wẹẹ, “Ọ na i re oko nii ne ọ gbele emwa ni ya eni na yi vbe Jerusalẹm? Ẹ i re ne ọ do munọ iran, ne ọ vbe viọ iran bu avbe igie ohẹn ọre ọ yae gha die edinran?”

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 15:35

E Samuẹl ma ghi dọlegbe miẹn ọba vbe ẹghẹ ne ọ ghi ya vbe agbọn, sokpan, ọ keghi khiẹ ọre. Ọ keghi da e Nọyaẹnmwa wẹ rẹn ma e Sọl ọba Izrẹl.

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.