I Samuẹl 19:23 - Edo Bible (E Baibol Ẹdo) Version 1996

²³ Ugbẹn vbe ọ ghi wa khian ni orhiọn Osanobua keghi hin yan rẹn tobọ ẹre, ọ kegha kuu, ọ na gha vannọ ọ te ya sẹ Naiọt.

I Samuẹl 19:23 ပူးပေါင်းရင်းမြစ်များ

Itan 16:9

Wẹ sẹtin ru emwamwa ọwuẹ. Sokpan Osanobua ọ re ọ ta vbene u gha ru emwi hẹ.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Nọmbas 23:5

E Nọyaẹnmwa keghi gie Balam werriegbe bu e Balak gha khian ne ọ ya tama rẹn uhunmwu ne irẹn gie.

Nọmbas 24:2

Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn.

Matiu 7:22

Ogha sẹ ẹdẹ ne a kha na, emwa nibun gha khama mwẹ wẹẹ, ‘Nọyaẹnmwa, Nọyaẹnmwa, ma ya eni ruẹn kporhu Osanobua. Ma khulo orhiọn dan nibun ladian. Ma winna iwinna ọyunnuan nibun vbe eni ruẹn.’

Iyẹn ne ọ Maan Ọghe Jọn 11:51

(Ẹ i re ẹwaẹn obọ ẹre ọre ọ ya ta ẹmwẹ na, sokpan, rhunmwuda ighẹ rẹn ọrọre Ogie Ohẹn vbe ukpo nii, ọ keghi guan ẹmwẹ akhasẹ wẹ, ẹ i ghi rre Jesu wu ne avbe emwa Ju.

I Kọrinti 13:2

Ọ gha khọn rẹn ne a ya we mwẹ wẹ I gha gu emwa guan, ọ ghi hin ehia uhunmwu, ọ gha khọn rẹn ne I rẹn emwi hia kevbe ne I rẹn otọ oro hia, ọ gha khọn rẹn ne I gha mwẹ iyayi hia ne ọ gha sẹ ọmwa ya vu oke mu fua, a deghẹ mẹ i mwẹ aho ẹmwẹ ọmwa, kẹkan ọre I khin.

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.

I Samuẹl 10:12

Okpia ọkpa ne ọ rre evba keghi nọ wẹẹ, “Iran ne akhasẹ nekpa na vboo, de emwa ne erha iran khin yi?” Erriọ ẹmwẹ na ne emwa ta ya suẹn wẹẹ, “Te Sọl ne arẹngbe ghi vbe khian akhasẹ ra?”

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 19:18

E Devid keghi lẹfua, ọ na bu e Samuẹl gha rrie Rama, ọ na ya talọ emwi hia ne Sọl ru ẹre re ma rẹn. Rẹn kevbe Samuẹl keghi gba gha rrie Naiọt, iran na ya di evba ya.

I Samuẹl 19:20

Ọ na gie emwa eso ne iran ya mu ẹẹn. Iran keghi do vba avbe akhasẹ eso, iran gha kuu, iran gha vannọ, e Samuẹl kegha re ọkaolotu iran. Ẹre orhiọn Osanobua na hin emwa e Sọl, iran kevbe suẹn gha ku iran na gha vannọ.

I Samuẹl 19:22

Ẹre rẹn tobọ irẹn na kpao gha rrie Rama. Ọ ghi sẹ uhae nọkhua ne ọ rre Seku, ọ keghi nọ wẹ de ehe ne Samuẹl vbe Devid ye, iran na tama rẹn wẹ, iran rre Naiọt.