I Samuẹl 19:20 - Edo Bible (E Baibol Ẹdo) Version 1996

²⁰ Ọ na gie emwa eso ne iran ya mu ẹẹn. Iran keghi do vba avbe akhasẹ eso, iran gha kuu, iran gha vannọ, e Samuẹl kegha re ọkaolotu iran. Ẹre orhiọn Osanobua na hin emwa e Sọl, iran kevbe suẹn gha ku iran na gha vannọ.

I Samuẹl 19:20 ပူးပေါင်းရင်းမြစ်များ

Joẹl 2:28

“Vbe okiekie, I gha hihiẹ orhiọn mwẹ yan dọmwadẹ emwa, ivbi uwa nikpia kevbe ivbi uwa nikhuo ghi gha ta uhunmwu ne I gie; avbe ọmaẹn ghi gha mina, avbe igbama ghi gha miẹn umian.

Nọmbas 24:2

Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn.

Iyẹn ne ọ Maan Ọghe Jọn 7:32

Avbe Farisi keghi họn wẹ emwa do ta ẹmwẹ na vbe ẹkhokho vbe ekpa ẹre, rhunmwuda ọnii, iran, deba avbe igie ohẹn keghi gie avbe ọgbalegbe eso ne iran ya mu Jesu.

I Kọrinti 14:3

Sokpan, ọmwa ne ọ kpe orhu Osanobua, emwa ne agbọn ọre ọ gu guan, ọ ghi gha rhie iyobọ, igiẹdu kevbe ifuẹko ne iran.

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.

I Samuẹl 19:11

Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”

I Samuẹl 19:14

Emwa ne Sọl gie ghi wẹ ne iran ya mu e Devid, e Mikal keghi khama iran wẹ egbe ma rran rẹn.

I Samuẹl 19:19

Iran keghi do khama e Sọl wẹ e Devid rre Naiọt vbe Rama.

I Samuẹl 19:21

Ugbẹn vbe Sọl ghi họn ẹmwẹ na, ọ keghi vbe gie otu ọvbehe gha khian, iran na kevbe suẹn gha ku, iran na gha vannọ, ọ keghi vbe gie emwa ukpogieha erriọ ọre ọ vbe sunu vbe egbe iran.