I Samuẹl 19:17 - Edo Bible (E Baibol Ẹdo) Version 1996

¹⁷ E Sọl keghi nọ Mikal wẹẹ, “Vbọzẹ ne u na ya mwẹ do ogboi rua vbe nian yi ne u na gie oghian mwẹ lẹ fe?” Rẹn keghi wanniẹn wẹẹ, “Rẹn tama mwẹ wẹ rẹn gha gbe mwẹ uan a deghẹ I ma yi rẹn obọ ne irẹn ya lẹfua.”

I Samuẹl 19:17 ပူးပေါင်းရင်းမြစ်များ

II Samuẹl 17:20

Irogho Absalọm kegha die owa nii, iran keghi nọ okhuo nii wẹẹ, “Ahimaz kevbe Jonatan vbo?” Rẹn keghi wanniẹn wẹẹ, “Iran fian ẹzẹ rra.” Emwa nii keghi gualọ iran, sokpan, ugbẹn vbe iran ma miẹn iran, iran keghi werriegbe gha rrie Jerusalẹm.

II Samuẹl 2:22

Abna keghi dọlegbe tama rẹn wẹẹ, “Ghẹ ghi khu mwẹ. Te u ho ne I gbe uẹ ua ra? Vbe a ra na ọnii ighẹ iyẹn ma e Joab ne ọtuẹn hẹẹ?”

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Galatia 4:16

Te I ghi khian oghian uwa ra rhunmwuda ighẹ I ta ẹmwata ma uwa?

I Samuẹl 19:14

Emwa ne Sọl gie ghi wẹ ne iran ya mu e Devid, e Mikal keghi khama iran wẹ egbe ma rran rẹn.

I Samuẹl 19:16

Iran keghi la owa, iran keghi miẹn ukhurhẹ owa nii vbe ukpo ẹre, ukohunmwu eto ẹwe nii, kegha rre ọ re uhunmwu.

I Samuẹl 22:17

Ọ keghi tama emwa ne ọ ya khẹ egbe ni mudia ke ẹe wẹẹ, “Wa gbele avbe ohẹn e Nọyaẹnmwa na, rhunmwuda iran gu e Devid si uma, iran ma vbe tama mwẹ wẹ ọ lẹ fua nẹ, vberriọ iran rẹn vbekpa ẹre ẹsẹse ke ẹghẹ nii gha dee.” Sokpan iran nii keghi he ne iran kpa obọ ya gbele avbe ohẹn e Nọyaẹnmwa.

I Samuẹl 28:12

Okhuo nii ghi bẹghe Samuẹl, ọ keghi datu. Ọ na khama Sọl wẹẹ, “Vbọzẹ ne u na rẹrẹ mwẹ yi? Wẹ ọrọre Sọl ne ọba!”