I Samuẹl 19:10 - Edo Bible (E Baibol Ẹdo) Version 1996

¹⁰ E Sọl keghi te hia ne ọ ya asoro ẹre ha e Devid ginna ekẹn, sokpan, e Devid keghi bi egbe, asoro na ya de ba ye ekẹn, e Devid keghi lẹ fua, ọ na miẹn uhunmwu.

I Samuẹl 19:10 ပူးပေါင်းရင်းမြစ်များ

Psalm 124:7

Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

Psalm 18:17

Ọ miẹn mwẹ fan vbe obọ avbe eghian mwẹ ni wegbe kevbe iran ni khuiwu mwẹ, iran te wegbe sẹ mwẹ gbe.

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Psalm 37:32

Ọmwa dan ghi gha baba ọmwa esi, ọ ghi gha hia ne ọ gbẹe rua.

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Hozia 6:4

Sokpan, e Nọyaẹnmwa khare wẹẹ, “Izrẹl kevbe Juda, vbe I a ra ya uwa ru? Ahoẹmwọmwa uwa ghe mwẹ, vbene a zẹgiẹgiẹ ho evbu owiẹ bẹkun, te ọ yevbe evbu ne a zẹgiẹgiẹ ho kẹbun vbe owiẹ.

Matiu 10:23

Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

Iyẹn ne ọ Maan Ọghe Luk 4:30

Sokpan rẹn keghi la adesẹ ẹbu iran gberra, ọ na gha rrie.

Iyẹn ne ọ Maan Ọghe Jọn 10:39

Iran keghi te vbe dọlegbe gha ho ne iran mu ẹn sokpan iran keghi ye obọ khuọre fe.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 18:11

E Sọl keghi ya ekhọe ẹre ta ẹe wẹẹ, “I gha hae ginna ekẹn.” Ọ na fi asoro ni gie ẹe igba eva sokpan, e Devid keghi gban egbe nẹ vbe eveva.

I Samuẹl 19:6

E Sọl keghi danmwehọ ẹmwẹ ne Jonatan tae, ọ keghi vẹn ihẹn vbe eni e Nọyaẹnmwa wẹ a i ra gbe Devid.

I Samuẹl 20:33

Ọ ghi wa ta ọnii, e Sọl keghi wa fi asoro gie ẹe ne ọ wa gbe ẹe rua, evba e Jonatan ghi na do rẹn wẹ te erha irẹn wa yan yọ ne ọ gbe Devid ua.