I Samuẹl 18:8 - Edo Bible (E Baibol Ẹdo) Version 1996

⁸ Ọ na ma rhiẹnrhiẹn e Sọl, ohu keghi mu ẹẹn ẹsẹse. Ọ keghi kha wẹẹ, “Iran ye avbe arriaisẹn igbigbe so eni e Devid sokpan avbe arriaisẹn ọkpa iran ya so eni mwẹ. Emwi ọkpa ne ọ ghi dekẹe ne ẹẹn nian ọrọre ne iran do ma ẹre ọba.”

I Samuẹl 18:8 ပူးပေါင်းရင်းမြစ်များ

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Gẹnẹsis 37:8

Etiọnrẹn keghi nọrẹn wẹẹ, “Te uwẹ ro ighẹ u gha rri ọba yan ima ra?” Iran keghi dọlegbe kakabọ gha mu ohu ẹre rhunmwuda ẹmwẹ ne ọ tae vbe kpa iran kevbe imina rẹn.

I Ọba 2:22

Ọba na nọ wẹẹ, “Vbu a na wẹ ne I rhie Abisiag ne ẹẹn hẹ yi? U sẹtin wẹ ne I wa vbe mu ẹkete ne ẹẹn. U ghe ighẹ ọtẹn mwẹ ne ọdiọn nọ, Abiata ne ohẹn kevbe Joab, ọghe ọe ọre iran ta yi?”

Ẹsta 3:5

E Haman ghi miẹn wẹ e Modekai ma mu egbe ne ọ gha ya diguẹ vbokho uhunmwu rriotọ ne irẹn, okuosu keghi rre ọe.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 22:34

E Balam wanniẹn wẹẹ, “I rukhọ nẹ, I ma na rẹn ighẹ te u gba ye odẹ khẹ mwẹ, sokpan banbanna nian, u gha roro ẹe ighẹ ọ ma kei ne I gha khian, I gha dọlegbe gha rrie owa.”

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

I Samuẹl 13:14

Sokpan, banbanna nian, arriọba ruẹ i khian gha rrọọ khian. E Nọyaẹnmwa gha gualọ ọmwa ekhọe ẹre ne ọ ya ẹe ma ọba yan emwa rẹn, rhunmwuda, u ma họn ẹmwẹ ne Nọyaẹnmwa.”

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.

I Samuẹl 18:9

Ke ẹdẹ ne ẹdẹrriọ kpao, ọ na gha gbọvo e Devid, ọ na gha bẹghe vbe egbe ẹre.

I Samuẹl 19:1

E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.

I Samuẹl 20:31

Wẹ ma rẹn wẹ e Devid gha rre agbọn, u i ra rriọba vbe ẹvbo na. Banbanna nian, ya rhie ẹre rre, te ọ gha wu.”