I Samuẹl 18:7 - Edo Bible (E Baibol Ẹdo) Version 1996

⁷ Vbe ehe ne iran na kuu nii, ikhuo nii kegha so ihuan wẹẹ, “E Sọl gbele avbe arriaisẹn sokpan e Devid avbe arriaisẹn vbe ihe igbigbe.”

I Samuẹl 18:7 ပူးပေါင်းရင်းမြစ်များ

II Samuẹl 18:3

Iran wanniẹn tama rẹn wẹẹ, “Ghẹ lele ima yo hiehiere. A deghẹ ma hia werrie urhuawẹ ma na lẹ avbe eghian ima i ra vbe zẹ yọ, erriọ vbe nọ a deghẹ obọ ọkpa vbe a gha wa ima hia ye ihe eva vbe wulo. Sokpan, wẹ sẹ arriaisẹn igbe (10,000) vbe uwu ima. Emwi ne ọ gha kei sẹ ọrọre ne uwẹ mudia vbe ore ẹvbo vbe emwana ne u gha gie iyobọ gie ima.”

II Samuẹl 23:1

E Devid ne ovbi e Jese kegha re ọmwa ne Osanobua ya khian enọkhua, rẹn ọ re Osanobua hannọ zẹ, rẹn ọ re ọ vbe re ọmwa ne ọ gbẹnnẹ ihuan ọghe Izrẹl. Avbe ẹmwẹ ne Devid ghi ta kiekie ọre ena khin:

II Samuẹl 6:5

E Devid kevbe ivbi Izrẹl hia keghi wa gha ya ẹtin iran hia ku iran na gha so ihuan ne iran ya rho e Nọyaẹnmwa. Iran kegha kpe akpata, ẹgiọn, e ma, ẹgogo kevbe ukusẹ.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

I Samuẹl 21:11

Ẹre emwa ọba na tama Akis wẹẹ, “Ọna i re Devid ne ọba ẹvbo ẹre ra? Ọmwa na ọ re avbe ikhuo nii ya gha so ihuan vbe iran ku wẹẹ, ‘E Sọl gbele arriaisẹn inu nọkhin, sokpan, e Devid gbele arriaisẹn igbe inu nọkhin.’ ”

I Samuẹl 21:12

Emwi ne iran ta na keghi rueghe e Devid orhiọn, ohan Akis kegha muẹn ẹsẹse.

I Samuẹl 29:5

A rhe ta ẹe na, ẹre Devid na nọ, ne ikhuo Izrẹl ya gha so ihuan, iran na vbe gha ku kha wẹẹ, ‘E Sọl gbele inu arriaisẹn ne ọ khin, sokpan e Devid gbele inu arriaisẹn igbigbe ne ọ khin.’ ”