I Samuẹl 18:6 - Edo Bible (E Baibol Ẹdo) Version 1996

⁶ Avbe ivbiyokuo ghi die owa vbe e Devid ghi ke ehe ne ọ na gbe Golaiat rre nẹ, ikhuo keghi wa ke okpẹvbo hia ni rre Izrẹl ladian bu e Sọl sẹ odẹ. Iran na gha so ihuan oghọghọ, iran na gha kpe ukusẹ kevbe ẹgogo.

I Samuẹl 18:6 ပူးပေါင်းရင်းမြစ်များ

II Samuẹl 1:20

Wa ghẹ ta ẹe sẹ Gat, ra idunmwu Askẹlọn. Wa ghẹ gie ikhuo e Filistia ya gha ghọghọ, wa ghẹ gie emọ ikhuo enimayayi ya gha gbe wee.

II Samuẹl 6:5

E Devid kevbe ivbi Izrẹl hia keghi wa gha ya ẹtin iran hia ku iran na gha so ihuan ne iran ya rho e Nọyaẹnmwa. Iran kegha kpe akpata, ẹgiọn, e ma, ẹgogo kevbe ukusẹ.

Psalm 149:3

Wa ya iku rho eni ẹnrẹn, wa kpe ema kevbe akpata ya gha rho ẹre.

Psalm 68:11

E Nọyaẹnmwa gie uhunmwu, emwa nibun ọ re ọ vbe na iyẹn nii.

Psalm 68:25

Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Aizaia 30:32

E Nọyaẹnmwa gha fi iran emwi yan egbe yan egbe, avbe emwa rẹn ghi gha kpe ema kevbe ukusẹ yọ. Osanobua tobọ ẹre ọ re ọ ra gu ivbi Asiria gbinna.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.

I Samuẹl 18:5

E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.