I Samuẹl 18:5 - Edo Bible (E Baibol Ẹdo) Version 1996

⁵ E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.

I Samuẹl 18:5 ပူးပေါင်းရင်းမြစ်များ

Gẹnẹsis 39:23

Te eseghan ghi gha fi aroa vbe avbe emwi ne Josẹf gbearoghe, rhunmwuda Nọyaẹnmwa mudia ne Josẹf, ọ na giẹe gha miẹn arudinodẹ vbe emwi ne ọ ru hia.

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Krọnikol 17:3

E Nọyan keghi fiangbe Jehosiafat rhunmwuda ọ kegha yin egbe uyinmwẹ ne erha ẹe kegha yin vbe ẹghẹ okaro, ọ ma vbe gho e Bal.

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 101:2

Uyinmwẹ mwẹ gha re ne ẹ i mwẹ abaku, de ẹghẹ ne u gha ya bu mwẹ rre? I gha yin uyinmwẹ ne ọ khuiae vbe owa mwẹ.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Iwinna 7:10

Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre.

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 14:52

Inu ẹghẹ ne ọ wa ya vbe agbọn, igbinna nọ wegbe ọre ọ ya ẹe gu ivbi e Filistin gbinna. Ẹghẹikẹghẹ ne ọ ya miẹn ọmwa ne ọ din ra ne ọ wegbe, ọ ghi rhie ẹre ba ivbiyokuo ẹre.

I Samuẹl 18:16

Sokpan, emwa hia ni rre Izrẹl kevbe Juda kegha ho ẹmwẹ e Devid, rhunmwuda, ọkaolotu ne emwi dunna na ọre nọ.

I Samuẹl 18:30

Ivbi iyokuo e Filistin ghi gha mu okuo rre, sokpan, ẹghẹ nii hia ọ re a ya miẹn wẹ obọ e Devid ọ re ọ da otọ sẹ ivbi iyokuo e Sọl nekpa hia. Rẹn keghi do dọlegbe gha hin usi yọ.

I Samuẹl 18:4

Ọ keghi kie ẹwu ne irẹn te hẹ ye egbe, ọ na viọ ne Devid, ke ẹe kevbe ẹwu okuo ẹre kevbe uhanbọ ẹre, kevbe ugbẹkun ẹnrẹn.

I Samuẹl 18:6

Avbe ivbiyokuo ghi die owa vbe e Devid ghi ke ehe ne ọ na gbe Golaiat rre nẹ, ikhuo keghi wa ke okpẹvbo hia ni rre Izrẹl ladian bu e Sọl sẹ odẹ. Iran na gha so ihuan oghọghọ, iran na gha kpe ukusẹ kevbe ẹgogo.

I Samuẹl 3:19

E Samuẹl keghi do wan, e Nọyaẹnmwa kegha rrọọ yaba ẹre, ọ na gie ẹmwẹ hia ne Samuẹl ta ẹe gha sẹ.