I Samuẹl 18:4 - Edo Bible (E Baibol Ẹdo) Version 1996

⁴ Ọ keghi kie ẹwu ne irẹn te hẹ ye egbe, ọ na viọ ne Devid, ke ẹe kevbe ẹwu okuo ẹre kevbe uhanbọ ẹre, kevbe ugbẹkun ẹnrẹn.

I Samuẹl 18:4 ပူးပေါင်းရင်းမြစ်များ

Gẹnẹsis 41:42

Ọba keghi yuo oroka asẹ ne ọ ya ye ẹmwẹ okhi, hin ikpinhianbọ ẹre rre, ọ keghi rhie ẹre ye ikpinhianbọ ọghe Josẹf, ọ keghi ye ukpọn etianran yiẹe, ọ keghi mu emwi urhu ọghe igoru ye ọre urhu.

II Samuẹl 1:22

Ugbemwi ọ re uhanbọ e Jonatan te khin. Umozo e Sọl i te mwẹ erọkhọrọkhọ, ọ solo iran ni wegbe gọọ, ọ gbele iran ne eghian kua.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Iyẹn ne ọ Maan Ọghe Luk 15:22

Sokpan erha ẹe keghi datie avbe eguọmwadia ẹre, ọ keghi tama iran wẹẹ, ‘Wa zẹgiẹ viọ avbe ẹwu ne ọ maa sẹ rre ne a viọ ye ọe, wa rhie oroka ye ẹre obọ, wa viọ ibata ye ẹre owẹ.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

I Samuẹl 17:38

Ọ keghi viọ ẹwu okuo ọghe ọe ne Devid ne ọ hẹ yọ, ọ keghi mu ẹrhu ẹgere rhuẹ Devid, ọ na ma ẹwu igbinna ematọn nẹ.

I Samuẹl 18:5

E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.