I Samuẹl 18:3 - Edo Bible (E Baibol Ẹdo) Version 1996

³ E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.

I Samuẹl 18:3 ပူးပေါင်းရင်းမြစ်များ

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

Itan 18:24

Iku eso i tọ, sokpan avbe ọse eso rrọ ni maa sẹ etẹn.

I Samuẹl 19:1

E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.

I Samuẹl 20:41

Ọvbokhan okpia nii ghi kpao nẹ, e Devid keghi ladian vbe iyeke utete avbe okuta nii, ọ keghi lovbiẹ ye otọ lọlọọlọ, ọ na vbokho uhunmwu rriotọ igba eha. Rẹn kevbe Jonatan kegha viẹ vbe iran mu egbe unu hiẹnhiẹn, ẹko e Devid ọ re ọ rhia sẹ Ọghe Jonatan.

I Samuẹl 20:42

Ẹre Jonatan na tama Devid wẹẹ, “Te Nọyaẹnmwa gha yaba ruẹ. E Nọyaẹnmwa gha ru ẹe ne a miẹn wẹ mẹ vbe ruẹ, ivbi uẹ kevbe ivbi mwẹ ni gha lele ima, gha ru zẹ vbene ile ne ima gu egbe ta khare ẹdẹdẹmwẹdẹ.” Ẹre Devid na kpao, e Jonatan keghi dọlegbe gha die owa.

I Samuẹl 22:8

Ọnii ọ si ẹe ne uwa na ho odẹ ne uwa gha la mwẹ re ra? A ma miẹn orhiọnkpa vbe uwu uwa ne ọ tama mwẹ wẹ ovbi mwẹ kevbe Devid gba vẹn ihẹn ne egbe nẹ. A i vbe miẹn orhiọnkpa ne ẹmwẹ mwẹ da ra ne ọ vbe tama mwẹ wẹ e Devid ne ọ re ọkpa vbe uwu emwa mwẹ gualọ odẹ ne ọ gha na gbe mwẹ uan kevbe wẹ ovbi mwẹ vbe yi ẹre ike!”

I Samuẹl 23:18

Iran eva keghi gba vẹn ihẹn ne egbe. E Devid kegha rrie Hores, e Jonatan na gha rrie owa.