I Samuẹl 18:28 - Edo Bible (E Baibol Ẹdo) Version 1996

²⁸ E Sọl keghi do miẹn vbe ẹmwata wẹ e Nọyaẹnmwa rrọ yaba e Devid kevbe wẹ e Mikal ne ovbi irẹn ho ẹmwẹ ọnrẹn.

I Samuẹl 18:28 ပူးပေါင်းရင်းမြစ်များ

Gẹnẹsis 26:28

Iran keghi wanniẹn wẹẹ, “Banbanna nian, ma rẹnrẹn wẹẹ e Nọyaẹnmwa guẹ rrọọ, te ima rre na ne a do ru emwamwa ẹmwata ne egbe. Ma ho ne uwẹ yan wẹẹ,

Gẹnẹsis 30:27

E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Gẹnẹsis 39:3

Arowa ẹre keghi miẹn wẹ e Nọyaẹnmwa mudia ne Josẹf kevbe wẹ Nọyaẹnmwa gie emwi ne ọ ru hia gha dinna odẹ.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.

I Samuẹl 18:20

Sokpan e Mikal ne ovbi Sọl kegha ho ẹmwẹ e Devid, e Sọl ghi họn vberriọ, ọ keghi mobọ ya ẹko rhiẹnrhiẹn ọẹn.

I Samuẹl 18:27

E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.

I Samuẹl 18:29

Rhunmwuda ọnii, ohan e Devid keghi dọlegbe gha mu ẹẹn, ọ keghi wa ya eghian so ẹe vbe ẹdẹ agbọn rẹn hia.

I Samuẹl 24:20

Banbanna nian, aro mwẹ dae nẹ wẹ u gha rriọba vbe Izrẹl kevbe wẹ arriọba na gha wa gha rre obọ ruẹ khian.

I Samuẹl 26:25

E Sọl keghi tama e Devid wẹẹ, “Te Osanobua gha fiangbe uẹ ovbi mwẹ. Te emwi hia ne u ru gha dinna odẹ nuẹn!” Ẹre Devid na lele odẹ, e Sọl keghi werriegbe gha die owa.