I Samuẹl 18:27 - Edo Bible (E Baibol Ẹdo) Version 1996

²⁷ E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.

I Samuẹl 18:27 ပူးပေါင်းရင်းမြစ်များ

II Samuẹl 3:13

E Devid keghi wanniẹn wẹẹ. “Ọ wa maa!” Emwi ọkpa rrọọ ne u gha ru ne I guẹ hẹnhẹn unu ẹnrẹn kugbe, ọ ni nọ wẹẹ, “U gha dee do miẹn mwẹ, u ghi rhie Mikal ne ovbi e Sọl ne okhuo gun mwẹ.”

II Samuẹl 3:14

Ọ re Devid na gie ne a tama Isbosiẹt wẹẹ, “Rhie Mikal ne ọvbokhan mwẹ gun mwẹ, ukpikolo e Filistin iyisẹn (100) ọ re I hae yọ ya rhie ẹre rọnmwẹ.”

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.

I Samuẹl 14:49

Ivbi E Sọl ne ikpia kegha re Jonatan, Isvi kevbe Nakisiua, ovbi ẹre ne okhuo ne ọdiọn kegha re Mẹrab, nekherhe kegha re Mikal.

I Samuẹl 18:13

Rhunmwuda ọnii, e Sọl keghi rhie ẹre ladian vbe evba, ọ keghi ya ẹe ru ọkaokuo arhin arriaisẹn. E Devid kegha viọ emwa rẹn yo okuo,

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 18:28

E Sọl keghi do miẹn vbe ẹmwata wẹ e Nọyaẹnmwa rrọ yaba e Devid kevbe wẹ e Mikal ne ovbi irẹn ho ẹmwẹ ọnrẹn.

I Samuẹl 25:44

Vbe ẹghẹ ne a kha na, e Sọl rhie Mikal ne ovbi ẹre ne ọ te re amwẹ Devid ne Palti ne ovbi e Lais nẹ, ovbi ẹvbo ne a tie ẹre Galim nọ.