I Samuẹl 18:23 - Edo Bible (E Baibol Ẹdo) Version 1996

²³ E Devid keghi kha wẹẹ, “Uyi nọkhua wa nọ ne ọmwa gha re orruan ọba, ọ kpọlọ sẹ ovbiogue kevbe ovbi evbamarẹn zẹ vbe ne imẹ ye na.”

I Samuẹl 18:23 ပူးပေါင်းရင်းမြစ်များ

Gẹnẹsis 29:20

E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Gẹnẹsis 34:12

Wa tama mwẹ emwi ne I gha rhie ne uwa, wa vbe fian inu igho ne ọ khọn uwa mẹ ne I gha mu ye egbe ẹre, I gha rhie emwi ne uwa a rhirhi gha ho ne uwa sokpan ne uwa gunmwẹ rhie ẹre rọnmwẹ.”

Psalm 119:141

Ọmwa ne a zan ke ne ai ka yọ mẹ khin, sokpan, I ma fi iyeke gbe iruẹmwi ruẹn.

Itan 14:20

Ai miẹn ne ọ ho ẹmwẹ ovbiogue uhin ya sẹ egbe ẹdogbo ẹre ne arẹn egbe, sokpan iran ni fe ghi gha mwẹ avbe ọse nibun.

Itan 29:5

Adeghẹ u kpe ọsiọ ye ewọwọ, te u rhuẹ ifi ne egbe uẹ.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

I Samuẹl 18:18

E Devid keghi wanniẹn wẹẹ, “Gha ọ re imẹ, vbe uniẹn mwẹ a khin ne I gha na gha re orruan ọba?”

I Samuẹl 18:22

Ọ keghi tama avbe ewọe ẹre ne iran hẹko tama Devid, “Ẹko ruẹ wa rhiẹnrhiẹn ọba, avbe ẹwae ẹre hia wa vbe ho ẹmwẹ ruẹn, ẹghẹ ne ọ kere ne u ya rhie ovbi ẹre rọnmwẹ ọ re ọ na khin.”

I Samuẹl 18:24

Avbe ewọe nii keghi ya tama e Sọl vbene Devid kha hẹ.

I Samuẹl 9:21

E Sọl keghi wanniẹn wẹẹ, “Ovbi ẹwae Bẹnjamin ọ re I khin, ẹwae ne ọ kanmwa sẹ vbe Izrẹl. Ẹgbẹe erha mwẹ ọ re ọ vbe re ne ọ kanmwa sẹ vbe ẹwae nii, ẹgbẹe mwẹ ọ re ọ vbe re ne ọ ma hin usi vbe ẹwae nii. Vbọzẹ ne u ghi na ta ẹmwẹ vberriọ ma mwẹ?”