I Samuẹl 18:19 - Edo Bible (E Baibol Ẹdo) Version 1996

¹⁹ Sokpan, ọ ghi sẹ ne a gha ya ye Mẹrab ne Devid, iran keghi rhie ẹre ne okpia ọkpa ne a tie ẹre Adriẹl ne ovbi ẹvbo ne a tie ẹre Nehola.

I Samuẹl 18:19 ပူးပေါင်းရင်းမြစ်များ

II Samuẹl 21:8

Sokpan, ọ na rhie Amọn kevbe Mẹfibosiẹt, emọ ikpia eva ne Rizpa ne ovbi Aia ne okhuo biẹlẹ ne Sọl, ọ kevbe viọ emọ ikpia isẹn ne Mẹrab ne ovbi e Sọl ne okhuo biẹlẹe ne Adriẹl ne ovbi Bazilai ne ovbi ẹvbo ne a tie ẹre Mehola ne iran.

I Ọba 19:16

U ghi vbe ma e Jehu ne ovbi e Nimsi ọba Izrẹl. U ghi rhie Elaisia ne ovbi e Siafat ne ovbi ẹvbo ne a tie ẹre Ebel Mehola u ghi ya ẹe ma akhasẹ ye ihe egbe ruẹ.

I Ọba 4:12

E Baana ne ovbi Ahilub: ẹvbo Taanak, Mẹgido kevbe otọe hia ni rre ọkpẹn Bẹt-Sian, vbe ọkpẹn Zarẹtan vbe odẹ ekẹn Jezrẹl, rhinrin ya sẹ Ebel Mehola kevbe ẹvbo Jokmiam.

Giọgis 14:20

Iran na rhie amwẹ Samsin ne okpia ne ọ gha sẹ odibo ne ẹẹn vbe ẹghẹ irhiọha.

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.