I Samuẹl 18:17 - Edo Bible (E Baibol Ẹdo) Version 1996

¹⁷ Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 18:17 ပူးပေါင်းရင်းမြစ်များ

II Samuẹl 11:15

Ọ na gbẹn wẹẹ: “Rhie Uraia ye odaro igbinna vbe ehe ne ọ na yọn sẹẹ, wa ghi he ẹe yọ ne u wa gie obọ vba ẹre.”

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

II Samuẹl 6:16

A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Itan 26:24

Ọmwẹkẹ ghi rhie ẹkokhọmwẹ ọnrẹn lẹre ye iyeke aranmwẹ ne ọ ya lalọ ọmwa egbe.

Itan 26:25

Ẹmwẹ ni sẹtin gha rhiẹnrhiẹn, sokpan, ghẹ ya ẹe yi rhunmwuda te ẹko rriaramwẹ wa vuọn re ẹko do sẹ ẹkpurhu.

Itan 26:26

Ọ sẹtin rhuan gue izohu ẹre sokpan agbọn hia miẹn emwi dan ne ọ ru.

Nọmbas 21:14

Ọnii ọ si ẹe ne Ebe Okuo Ọghe Nọyaẹnmwa na guan kan “emwi ne I ru vbe ẹvbo Waheb vbe ikinkin e Sufa, kevbe avbe iya, Ẹzẹ Anọn,

Nọmbas 32:20

E Mosis keghi wanniẹn wẹẹ, “A deghẹ te uwa mu ẹmwẹ ne uwa tae na sẹ, wa wa mu egbe nian vbe odaro e Nọyaẹnmwa ne uwa gha rrie okuo.

Nọmbas 32:27

Sokpan ma hia mu egbe ne a ya gha rrie okuo vbene Nọyaẹnmwa na re ọkaokuo. Ma gha fian Jọdan rra ne a ya khọn zẹ vbene u khare.”

Nọmbas 32:29

“A deghẹ emwa Gad kevbe Riubẹn fian Jọdan rra, vbe ne iran na mu egbe ne iran ya khọn vbe okuo nii ne Nọyaẹnmwa na re ọkaokuo, a na ghi vbe miẹn wẹ vbe ekpa iyobọ iran ọre uwa na sẹtin khọn miẹn otọe nii, wa ghi mu otọ Giliad ne iran ne ọ gha re ọghe iran.

Diuteronomi 17:7

Iran ni sẹ osẹe ni ọ re ọ gha ka filo okuta gbe ẹe, emwa ni dekẹe hia ghi do filo okuta gbe ẹe. Odẹ vbenian ọ re u gha ya sẹtin gbe ukhu na an.

I Samuẹl 14:49

Ivbi E Sọl ne ikpia kegha re Jonatan, Isvi kevbe Nakisiua, ovbi ẹre ne okhuo ne ọdiọn kegha re Mẹrab, nekherhe kegha re Mikal.

I Samuẹl 17:25

Iran keghi tama egbe wẹẹ, “Wa ya ghe ẹre, wa ghe vbene ọ si ọmwa evẹn hẹ! Ọmwaikọmwa ne ọ sẹtin gbe ẹe, ọba gha fe ẹre, ọ ghi rhie ovbi ẹre ne okhuo ne ẹẹn rhie rọnmwẹ, ọ ghi vbe we ne ẹgbẹe erhae ghẹ ghi zẹ igho uhunmwu.”

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.

I Samuẹl 17:47

Emwa ni rre emwa hia ghi rẹn wẹ, ọ gha miẹn emwa rẹn fan, ẹ i vbe miẹn umozo kevbe asoro nẹ ọ ke ru ẹe. Rẹn ọ re ọ khọn miotọ vbe okuo, te ọ ra viọ uwa hia ye ẹtin ima obọ.”

I Samuẹl 18:21

Ọ keghi kha wẹẹ, “I gha rhie Mikal ne Devid, I gha ya ẹe khuẹn ifi muẹn ne ivbi e Filistin gbe ẹe rua.” Rhunmwuda ọnii, e Sọl keghi tama Devid ukpogieva wẹẹ, “I gha ya ọmọ ne uẹn.”

I Samuẹl 18:25

E Sọl keghi tama iran wẹ ne iran ya tama Devid wẹẹ, “Emwi ne ọba ho vbe obọ ruẹ ma gberra ukpikolo ọghe ivbi e Filistin iyisẹn ni wulo nẹ, ne ọ ya ọnii rria avbe eghian rẹn ikhi.” (Erriọ ọre Sọl te mwamwaẹn we obọ ivbi e Filistin gha ya vba e Devid).

I Samuẹl 18:27

E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 30:26

E Devid ghi dọlegbe sẹ Ziklag, ọ keghi viọ eso vbe emwi ne obọ ẹre vbare gie avbe esiọre, iran ne avbe ọkaolotu e Juda, ọ wẹẹ, “Wa ghe emwi ne I ya ha oko gie uwa vbe uwu avbe emwi ne ima gbe avbe eghian Nọyaẹnmwa miẹn iran re.”