I Samuẹl 18:12 - Edo Bible (E Baibol Ẹdo) Version 1996

¹² Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.

I Samuẹl 18:12 ပူးပေါင်းရင်းမြစ်များ

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

II Krọnikol 17:3

E Nọyan keghi fiangbe Jehosiafat rhunmwuda ọ kegha yin egbe uyinmwẹ ne erha ẹe kegha yin vbe ẹghẹ okaro, ọ ma vbe gho e Bal.

Psalm 51:11

Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Iyẹn ne ọ Maan Ọghe Mak 6:20

Ohan Jọn kevbe mu e Hẹrọd rhunmwuda ọ rẹnrẹn ighe ọmwa ẹmwata ne ọ huanrẹn ọre Jọn khin, ọ na tan ifuẹn gue ẹre. Ẹghẹ hia ọre ọ ya ho ne ọ gha danmwehọ ẹmwẹ ne ọta, a gha rhe miẹn wẹ ẹghẹ ne ọ rhirhi ya danmwehọ hia, ọre ọ ya zẹ afianma ye ọre egbe.

Iyẹn ne ọ Maan Ọghe Luk 8:37

Emwa hia ni wa ke otọ Gadara rre keghi bu Jesu gha dee, iran tama rẹn ne ọ do kpao hin iran ẹvbo rre rhunmwuda ohan mu iran ẹsẹse. Rhunmwuda ọnii, Jesu keghi la okọ, ọ na kpao.

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”

I Samuẹl 16:4

E Samuẹl keghi ru zẹ vbene Nọyaẹnmwa wẹ ne ọ ru, ọ na gha rrie Bẹtlẹhẹm. Avbe ọkaolotu ẹvbo nii keghi rre do vba ẹre vbene iran na guọ zẹzẹzẹ, iran nọ rẹn wẹẹ, “Ọbiro, a deghẹ okhian maa?”

I Samuẹl 18:15

E Sọl ghi miẹn vbene ọ dunna ne Devid hẹ, ohan rẹn keghi dọlegbe gha mu ẹn sayọ.

I Samuẹl 18:20

Sokpan e Mikal ne ovbi Sọl kegha ho ẹmwẹ e Devid, e Sọl ghi họn vberriọ, ọ keghi mobọ ya ẹko rhiẹnrhiẹn ọẹn.

I Samuẹl 18:29

Rhunmwuda ọnii, ohan e Devid keghi dọlegbe gha mu ẹẹn, ọ keghi wa ya eghian so ẹe vbe ẹdẹ agbọn rẹn hia.

I Samuẹl 20:13

Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!

I Samuẹl 22:13

E Sọl keghi nọ rẹn wẹẹ, “Vbọzẹ ne uwẹ vbe Devid na si uma odẹ ne uwa gha la mwẹ re yi? Vbọzẹ ne u na viọ evbare kevbe umozo ne ẹẹn, u na vbe gu Osanobua guan ne ẹẹn? Banbanna nian, ọ mu aro igbinna da mwẹ nẹ, ehe ne obọ ẹre gha na ke ẹe sẹẹ ọre ọ ghi gualọ.”

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”

I Samuẹl 3:19

E Samuẹl keghi do wan, e Nọyaẹnmwa kegha rrọọ yaba ẹre, ọ na gie ẹmwẹ hia ne Samuẹl ta ẹe gha sẹ.