I Samuẹl 18:10 - Edo Bible (E Baibol Ẹdo) Version 1996

¹⁰ Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 18:10 ပူးပေါင်းရင်းမြစ်များ

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

I Ọba 22:12

Ẹmwẹ ọkpa nii ọ re avbe akhasẹ nekpa hia vbe ta. Iran wẹẹ, “Gha khian ya khọn e Ramọt ighẹ obọ ruẹ gha ke ukhunmwu, e Nọyaẹnmwa gha rhie akhọnmiotọ nuẹn.”

Jerimaia 28:11

Ọ na sirra emwa nii hia kha wẹẹ, “E Nọyaẹnmwa khare ighe erriọ rẹn ra bunnọ urọnghọn ne Ọba Nebukiadneza munọ ye avbe uhunmwu ẹvbo hia urhu, kevbe wẹ rẹn gha ru emwi na ọ te sẹ ukpo eva.” Ẹre imẹ ghi na kpao.

Iwinna 16:16

Ẹdẹ ọkpa, ma ghi rrie ehe ne a na na erhunmwu, ọvbokhan okhuo ọkpa, ne ọre ọviẹn, ne ọ vbe mwẹ orhiọn dan nọ yae miẹn aro, keghi khian vbe ima. Igho ọrhẹnrhẹn ọre ọ ye aro me ọ miẹn nii khuan ne enarẹn.

II Tẹsalonaika 2:11

Rhunmwuda ọna, Osanobua keghi gie ẹtin idodẹ, ne ọ ya gha winna vbe uwu iran, iran na ghi gha ya emwi ohoghe yi.

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.

I Samuẹl 16:23

Ke ẹghẹ nii kpao, ẹghẹikẹghẹ ne orhiọn dan ne Osanobua gie rre ghi ya hin yan e Sọl, e Devid ghi mu akpata ẹre gha kpee. Orhiọn dan nii ghi sẹ ọc rae, egbe ghi do rran e Sọl, ọ ghi do werriegbe gha ye ẹe ẹse.

I Samuẹl 18:9

Ke ẹdẹ ne ẹdẹrriọ kpao, ọ na gha gbọvo e Devid, ọ na gha bẹghe vbe egbe ẹre.

I Samuẹl 19:10

E Sọl keghi te hia ne ọ ya asoro ẹre ha e Devid ginna ekẹn, sokpan, e Devid keghi bi egbe, asoro na ya de ba ye ekẹn, e Devid keghi lẹ fua, ọ na miẹn uhunmwu.

I Samuẹl 19:7

Rhunmwuda ọnii, e Jonatan keghi tie Devid ọ na na iyẹn emwi hia ma rẹn, rẹn keghi rhie ẹre bu e Sọl gha khian, ọ na vbe ya gha ga ọba vbene ọ ka ru ẹe de yi.

I Samuẹl 19:9

Ọ ghi sẹ ẹdẹ ọkpa, orhiọn dan ne ọ ke ehe ne Nọyaẹnmwa ye rre keghi hin yan e Sọl. E Sọl keghi tota ye uwu owa ẹre ke ẹe kevbe asoro vbe obọ. E Devid keghi vbe gha rre evba, ọ na gha kpe akpata ne ẹẹn.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.