I Samuẹl 18:1 - Edo Bible (E Baibol Ẹdo) Version 1996

¹ Ugbẹn vbe Sọl vbe Devid ghi gha guan nẹ, ẹmwẹ e Devid keghi wa la e Jonatan ekhọe sẹrriọ wẹ, ọ keghi ho ẹmwẹ ọnrẹn zẹ vbe ne ọ ho ẹmwẹ egbe ẹre.

I Samuẹl 18:1 ပူးပေါင်းရင်းမြစ်များ

Gẹnẹsis 44:30

E Juda keghi kha wẹẹ, “Banbanna nian, enọwanrẹn, a deghẹ mẹ na bu erha mwẹ vbene I ma na rhie ọmọ ni mwẹ obọ, ọwarọkpa vbe ọ gha wa miẹn wẹ ọmọ ni i gue mwẹ, ọ ghi wa wu, enọwanrẹn, akhiẹ ne ima gha si ye erha ima egbe vbe ẹghẹ ọmaẹn ẹnrẹn gha gbe ẹe rua.

II Samuẹl 1:26

“I kakabọ khiẹ ruẹ, e Jonatan ne ọtẹn mwẹ, u miẹn vbe ẹmwẹ ruẹn te ye mwẹ hẹẹ! Ọyunnuan ọ re aho ẹmwẹ ọmwa ne u mwẹ ghe mwẹ te khin, ọ te sẹ aho ẹmwẹ ọmwa okhuo.

I Krọnikol 12:17

E Devid keghi bu iran gha khian, ọ tama iran wẹẹ, “A dẹghe te uwa rre zẹ vbe ọse ne uwa do yọmwẹ obọ, I miẹn uwa yi, wa deba ima! Sokpan, dẹghe te uwa mwẹ ọnrẹn vbe ekhọe ne uwa do rhie mwẹ yan eghian mwẹ obọ, egbe ne a rhe ya miẹn wẹ I ma ru uwa emwirhọkpa, Osanobua avbe erha mwẹ odede gha rẹn, ọ ghi rria uwa ikhi.”

Psalm 86:11

Nọyaẹnmwa, ma mwẹ emwi ne u ho ne I ru I gha họn ẹmwẹ ne uẹn kekhọekekhọe, ma mwẹ re ne I gha ga a, vbe ne I na wa mu aro yọ ẹsẹse.

Itan 18:24

Iku eso i tọ, sokpan avbe ọse eso rrọ ni maa sẹ etẹn.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

Giọgis 20:11

Ẹre emwa hia ni rre Izrẹl na do sikoko vbe iro ọkpa, ọnii nọ wẹ ne a khọn nene ẹvbo.

I Samuẹl 14:45

Sokpan avbe emwa nii keghi tama e Sọl wẹẹ, “Te uwẹ we ne a gbe Jonatan ne ọ gie Izrẹl miẹn akhọnmiotọ nọkhua na rua ra? Ẹdẹ! Ma ya eni e Nọyaẹnmwa ne ọ rrọọ yan wẹ eto ọkpa i ra vbọ fua vbe uhunmwu ẹnrẹn. Iyobọ Osanobua ọre ọ ya ru emwi ne ọ ru ẹrẹna.” Ọre a na miẹn wẹ emwa ni ma gia gbe Jonatan rua.

I Samuẹl 18:3

E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.

I Samuẹl 19:1

E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.

I Samuẹl 19:2

Rhunmwuda ọnii, ọ keghi tama e Devid wẹẹ, “Erha mwẹ ho ne ọ gbe ua. Rhunmwuda ọnii, gha kinna egbe! Akhuẹ, u ghi lẹre ye ẹkhokho okpa.

I Samuẹl 20:17

E Jonatan keghi dọlegbe wẹ ne Devid yan wẹẹ rẹn gha ho ẹmwẹ irẹn, rhunmwuda te Jonatan ho ẹmwẹ Devid zẹ vbene ọ ho ẹmwẹ egbe ẹre.

I Samuẹl 20:8

Lahọ, u ghi ru mwẹ ẹse na, ne u ye ihẹn ne ima vẹn ne egbe rre. Sokpan, a deghẹ I rri abe, tobọ gbe mwẹ uan. Vbọzẹ ne u gha na rhie mwẹ gie erha gbe ua?”

I Samuẹl 22:8

Ọnii ọ si ẹe ne uwa na ho odẹ ne uwa gha la mwẹ re ra? A ma miẹn orhiọnkpa vbe uwu uwa ne ọ tama mwẹ wẹ ovbi mwẹ kevbe Devid gba vẹn ihẹn ne egbe nẹ. A i vbe miẹn orhiọnkpa ne ẹmwẹ mwẹ da ra ne ọ vbe tama mwẹ wẹ e Devid ne ọ re ọkpa vbe uwu emwa mwẹ gualọ odẹ ne ọ gha na gbe mwẹ uan kevbe wẹ ovbi mwẹ vbe yi ẹre ike!”

I Samuẹl 23:18

Iran eva keghi gba vẹn ihẹn ne egbe. E Devid kegha rrie Hores, e Jonatan na gha rrie owa.